ସରପଞ୍ଚ
ସରପଞ୍ଚ
ରାଜନୀତି କରେ ନେତା କୁଜିନେତା
ଧନ୍ୟ ତାଙ୍କର ମାୟା,
ଭୁଲି ଯାଇ ଅଛି ଅତୀତର କଥା
ପାର୍ଟି ପ୍ରେମରେ ବାୟା ।୧।
ଦୁଆରେ ଦୁଆରେ ହାତ ଯୋଡି କରି
ବୁଲୁଥିଲା ସେ ଦିନେ,
ସରପଞ୍ଚ ହେବା ପର ଠାରୁ ଆଉ,
ପଡୁନି ଲୋକେ ମନେ ।୨।
ପ୍ରତିଶ୍ରୁତି ଦେଇ କହିଥିଲା ବସି,
କରିବ ଗାଁର କାମ,
ସରକାରଙ୍କର ସୁବିଧା ସୁଯୋଗେ
ହସି ଉଠିବ ଗ୍ରାମ ।୩।
ଦଳୀୟ କରମି ହୋଇଥିଲେ ବାବୁ
ସୁଯୋଗ ସବୁ ଆଗେ,
ନହିଲେ ବସିକି ତାରିଖ ଗଣିବୁ
ଭାଗ ନପଡ଼େ ଭାଗ୍ୟେ ।୪।
ମିଳିବ ନାହିଁରେ ଇନ୍ଦିରା ଆବାସ
କଟିବ ନାଆଁଟି ତୋର
ସେବାରୁ ବଞ୍ଚିତ ହୋଇବୁରେ ଧନ
କଲେ ବିରୁଦ୍ଧ ସ୍ୱର ।୫।
କରୋନା ଦିନଠୁଁ ଜିଲ୍ଲାପାଳ ହୋଇ
ଅଡର ଝାଡେ କେତେ,
ସ୍ୱାର୍ଥପର ହୋଇ ଜନତାର ଧନ
ଲୁଟୁଛି ନିଜ ହାତେ ।୬।
ଶାସନ ଗାଦିରେ ଯିଏ ବା ବସିଲା
ନୁହନ୍ତି ଜମା ଭଲ,
ଗରୀବର କଥା କେହି ନ ଶୁଣନ୍ତି
ତେଲିଆ ମୁଣ୍ଡେ ତେଲ ।୭।