Hurry up! before its gone. Grab the BESTSELLERS now.
Hurry up! before its gone. Grab the BESTSELLERS now.

Priyabrata Mohanty

Inspirational


3  

Priyabrata Mohanty

Inspirational


ଧର୍ମ ଆଜି ଅସ୍ତ

ଧର୍ମ ଆଜି ଅସ୍ତ

1 min 156 1 min 156


ଭୋକ ବିକଳରେ     ଅଖାଦ୍ୟ ଭୁଞ୍ଜଇ

ଦୁର୍ଲ୍ଲଭ ମୁଠାଏ ଭାତ,

ବାଲ୍ୟ ଅଵସ୍ଥାରୁ     ଶ୍ରମ ଶିକୁଳିରେ

ବନ୍ଧା ହୋଇଛି ତା ହାତ ।


କଲମ ଧରିବା     ବୟସରେ ଆଜି

ବହୁଛି ଘରର ବୋଝ,

ଚିରା ଫଟା କନା     ଶରୀରେ ଘୋଡ଼ାଇ

ପାସୋରିଛି ସଜ ବାଜ ।


ଶୋଇ ଶୋଇ ଘରେ     ଚନ୍ଦ୍ର ତାରା ଦେଖେ

ପାଣି କାଦୁଅରେ ସଢ଼େ,

ଉସୁଧ ଟିକକ     ଜଣା ନାହିଁ ତାକୁ

ଭାଗ୍ୟକୁ ଆଦରି ପଡ଼େ ।


ମାଆ ଖଟୁଅଛି     ପର ଘରେ ମୂଲ

ଦାଦନ ଖଟୁଛି ବାପ,

ଚୁଲୀ ଜାଳି ଜାଳି     ଝିଅ ହାତ କଳା

ଦରିଦ୍ରତା ଗୋଟେ ପାପ ।


ଶିକ୍ଷିତ ସମାଜ     ଲୁଟୁଛି ସମ୍ବଳ

ଜୀବନ ତାର ଉଜ୍ଜ୍ୱଳ,

ଗରିବ ଦେହରୁ     ଶୋଷି ନେଇ ବଳ

କରିଛି ଦାଣ୍ଡେ କାଙ୍ଗାଳ ।


ଅଧିକାର ଶୂନ୍ୟ     ହୋଇ ନିର୍ଯାତିତ

ରହିଛି ଅବହେଳିତ,

ବିକାଶରୁ ଦୂର     ସେବାରୁ ବଞ୍ଚିତ

ଜୀବନଟି ଅବାଞ୍ଛିତ ।


ଗରୀବର ସାଥି     କିଏ ଏଠି ହେବ

ଲୋଭରେ ସଭିଏଁ ଗ୍ରସ୍ତ,

ଶୂଳି ଚଢ଼ି ଲାଣି     ମାନବ ପଣିଆ

ଧରମ ଟି ଆଜି ଅସ୍ତ ।



Rate this content
Log in

More oriya poem from Priyabrata Mohanty

Similar oriya poem from Inspirational