ହସି ଟିକେ ଦେଖ

ହର୍ଷ ଉଲ୍ଲାସେ   ପୀଡ଼ାକୁ ଚାଖ

ଥରେ ହସିକି   ଟିକେଏ ଦେଖ ।

ରହୁ ତୁ କିଆଁ   ସଦା ଉଦାସ

କାହିଁକି ଦେଉ   ଭାଗ୍ୟକୁ ଦୋଷ,

କର୍ମ ଉପରେ   ଭରସା ରଖ

ଉଡୁଥା ଏଠି   ଲଗାଇ ପଖ ।

ମରୁ ତୁ କିଆଁ   ପ୍ରତ୍ୟେକ ଦିନ

ଜୀବନଟି କୁ    କରିଛୁ ହିନ,

ଶୋଷଣ ଆଗେ   ଫିଟାରେ ମୁଖ

ପ୍ରତିବାଦର    ଫୁଙ୍କିଦେ ଶଙ୍ଖ ।

ପରିବର୍ତ୍ତନ    ପ୍ରକୃତି ନୀତି

ହଟ ହଟା ତୁ   ହେଉ କେମିତି,

ଅନ୍ଧାର ଆଲ   ଛାଡ଼େ ନା ପାଖ

ବଦଳେ ଖାଲି   ଏଠି ତାରିଖ ।

ମୋହ ମାୟାର   ଏ ରଙ୍ଗମଞ୍ଚ

ଲୋଭରେ ପଡ଼ି    ନେଉଛୁ ଲାଞ୍ଚ,

ଯେତେ କଲେବି   ମିଳେନା ଯଖ,

ଅକାରଣରେ    ପାଉଯେ ଦୁଃଖ ।

ସଜରେ ବାଇ   ଅବୁଝା ମନ

ରୂପ ଯୌବନ   କ୍ଷଣିକ ଧନ,

ଅସ୍ଥିର ଏଠି   ସଭିଙ୍କ ଲୀଖ

ଚାଲିବା କଷ୍ଟ   ରାସ୍ତାଟି ତୀଖ ।

ବଳିଷ୍ଠ ଆମ   ଦର୍ଶନ ତତ୍ୱ

ବେଦ ପୁରାଣ   ପୈତୃକ ସତ୍ୱ,

ସେବା ମାଧ୍ୟମେ   ମିଳଇ ସୁଖ

ପ୍ରୀତିର ଗୀତ   ଗାଇବା ଶିଖ ।