Library
ସରୋଗେସି
ସରୋଗେସି
ଅସମ୍ଭବ କଥା ହେଉଛି ସମ୍ଭବ
ବିଜ୍ଞାନର ବରଦାନ
ଚାହିଁଲେ ମାତୃତ୍ୱ ଲାଭ କରିହୁଏ
ଅକ୍ଷମ ହୁଏ ସକ୍ଷମ ।
ରହିଛି ଯାହାର ହୃଦୟ ସମସ୍ୟା
ସ୍ୱ।ସ୍ଥ୍ୟଗତ ଅସୁବିଧା
ଜଟିଳ ବ୍ୟାଧିରେ ପ୍ରପୀଡ଼ିତ ହୋଇ
ଗର୍ଭାଧାନେ ଥାଏ ବାଧା ।
ଅସହାୟ ହୋଇ ବିଚରା ଦମ୍ପତ୍ତି
ନିନ୍ଦୁଥିଲେ ପୂର୍ବେ ଭାଗ୍ୟ
ଚିକିତ୍ସା ବିଜ୍ଞାନେ ସମାଧାନ ସୂତ୍ର
ଆବିଷ୍କାର ପ୍ରଚଳିତ ।
ଦର୍ଶାଇ ଯୋଗ୍ୟତା ଇଚ୍ଛୁକ ଦମ୍ପତ୍ତି
ହେବେ ଅନୁମତିପ୍ରାପ୍ତ
କରିବେ ପ୍ରଦାନ ଡିମ୍ବାଣୁ ଶୁକ୍ରାଣୁ
ହେବ କୃତ୍ରିମେ ନିଷିକ୍ତ ।
ସହମତି ଥିବା ସକ୍ଷମ ମହିଳା
ଗର୍ଭରେ ହେବ ରୋପଣ
ହୋଇ ପାରନ୍ତି ସେ ନିଜ ପରିଜନ
କେହିବି ଅଜଣା ଅନ୍ୟ ।
ଶାରୀରିକ ଭାବେ ଥିବେ ସିଏ ସୁସ୍ଥ
ଥିବେ ପୂର୍ଣ୍ଣ ଏକମତ
ରହିଥିବ ତାଙ୍କ ପ୍ରଥମ ସନ୍ତାନ
ପଞ୍ଚାଳିଶ ବର୍ଷ ମଧ୍ୟ ।
ଏହି ବ୍ୟବସ୍ଥାର ବୈଜ୍ଞାନିକ ନାମ
ଅଟଇ ସରୋଗେସନ
ଜନନୀ ହୁଅନ୍ତି ଭିନ୍ନ ଉପାୟରେ
ନକରି ଗର୍ଭଧାରଣ ।
ଆଇନ ଦୃଷ୍ଟିରୁ ସରୋଗେଟ ମାତା
ପ୍ରକୃତ ଜନମଦାତ୍ରୀ
ଜୈବିକ ପ୍ରମାଣ ଦେଇ ମାତାପିତା
କରନ୍ତି ଦାବୀ ସ୍ୱ1କୃତି ।
ଜଟିଳ ଚିକିତ୍ସା ବିଜ୍ଞାନ ପଦ୍ଧତି
ଅଟଇ ଖର୍ଚ୍ଚ ବହୁଳ
ଆମ ଭାରତରେ ଅଳ୍ପ କିଛି ଧନୀ
ଉଠାନ୍ତି ଉପାୟୁ ଲାଭ ।
ପାଶ୍ଚାତ୍ୟ ଜଗତେ ପରିବାର ସ୍ଥିତି
ନୁହେଁ ଆମ ଦେଶ ପରି
ସହସ୍ର ସ°ଖ୍ୟାରେ ଉପଭୋକ୍ତାଙ୍କର
ପସନ୍ଦ ଏ ନୀତି ଭାରି ।
ମାଆ ସରୋଗେସି ପେଶା ଦୁଃସାହସୀ
ବିଜ୍ଞାନ ଯୁଗର କଥା
କାହାକୁ ଲାଗଇ କିମ୍ଭୁତ ପ୍ରକାର
କା ପାଇଁ ଆବଶ୍ୟକତା ।
----
