ଲାଇବ୍ରେରୀ
ପ୍ରୋଫାଇଲ୍
ସର୍ବଦା ରହୁ ଆଶିର୍ବାଦ
ସର୍ବଦା ରହୁ ଆଶିର୍ବାଦ
ଦେବଙ୍କର ଦେବ ମହାଦେବ ଶିବ
ଗୁଞ୍ଜୁ ଅଛି ନାମ ବିଶ୍ବେ,
ଭୋଲାନାଥ ସେହୁ ଭଲ ହିଁ କରନ୍ତି
କଲ୍ୟାଣ କରନ୍ତି ବିଶ୍ବେ ।
ଅସୁବିଧା ନୂହେ ତାଙ୍କରି କୃପାରେ
ଶ୍ରଦ୍ଧା ମନେ କଲେ ଭକ୍ତି,
ଅକର୍ମା ଦାନୀ ସେ କଲ୍ୟାଣ କରନ୍ତି
ପ୍ରେମ ଶ୍ରଦ୍ଧା ମନେ ଭକ୍ତି ।
ଚାକଚକ୍ୟ ଠାରୁ ଦୂର ରହି ଥାଏ
ସଦା ତାଙ୍କ ପ୍ରତି ମନ,
ଲକ୍ଷ୍ମୀ ଧନ ଜ୍ଞାନ ପାଇ ଯେଉଁ ବ୍ୟକ୍ତି
ଅହଙ୍କାରେ ନାହିଁ ମନ ।
ବିନମ୍ରତା ଭାବ ମନରେ ଗୁଞ୍ଜନ
ସମଭାବ ମନ୍ତ୍ର ଥାଏ,
ହିଂସା କପଟକୁ ବହିଷ୍କାର କରି
ସତ୍ୟପଥେ ଚାଲୁ ଥାଏ ।
କୃପା ଶିବଙ୍କର ମିଳୁଥାଏ ତାଙ୍କୁ
ମହାଦାନୀ ଶିବ ବାବା,
ଏପରି ଭକ୍ତଙ୍କୁ ଆଶୀର୍ବାଦ ମିଳେ
କୃପାସିନ୍ଧୁ ଶିବ ବାବା ।
ମନ ବୃତ୍ତି ଥାଏ ସାହାଯ୍ୟ ନିମନ୍ତେ
ଜନଜନ ପ୍ରତି ତାର,
ରାଷ୍ଟ୍ର ସେବା ପ୍ରତି ଭକ୍ତି ରଖି ଥାଏ
ନିସ୍ବାର୍ଥର ଭାବ ତାର ।
ବୃକ୍ଷ ଫଳ ଦ୍ବାରା ନଇଁ ଯାଏ ଡାଳ
ଗର୍ବ ନାହିଁ ମନେ ତିଳେ,
ଅହଙ୍କାର ନାହିଁ ମନରେ ତାହାର
ପର ଉପକାର ବଳେ ।
ପାଣିର ବାଦଲ ଖସି ଆସେ ପୁଣି
ଜଗତ କଲ୍ୟାଣ ପାଇଁ,
ସେହୁ ପରି କରେ ସେବା ଶିବ ଭକ୍ତ
ଜନତା କଲ୍ୟାଣ ପାଇଁ ।
ସତ୍ୟପଥେ ରହି ଜନ ସେବୁ ଥାଏ
କର୍ମପଥେ ରହି ରାଷ୍ଟ୍ର,
କରେ ଶିବ ଭକ୍ତି ଧର୍ମପଥେ ରହି
କରେଟି ଉଜ୍ଜ୍ୱଳ ରାଷ୍ଟ୍ର ।
ଦେବଙ୍କର ଦେବ ମହାଦେବ ଶିବ
ଗୁଞ୍ଜୁ ଅଛି ନାମ ବିଶ୍ବେ,
ଭୋଲାନାଥ ସେହୁ ଭଲ ହିଁ କରନ୍ତି
କଲ୍ୟାଣ କରନ୍ତି ବିଶ୍ବେ ।
