ସର୍ବ ବସ୍ତୁର ଅଛି ମୂଲ୍ୟ

କଥା, କାର୍ଯ୍ୟ, ସରବ ବସ୍ତୁର ଭିନ୍ନ 

ଭିନ୍ନ ମୂଲ୍ୟ ଥାଏ 

ସବୁଠି ଆଦର ପାଏ ସବୁର ଉତ୍ତମ 

ମୂଲ୍ୟ ଦିଏ ଯିଏ ।

ସଂସାରରେ ଭକ୍ତିର ମୂଲ୍ୟ ସବୁଠାରୁ 

ଅଟେ ବଡ

ଭକ୍ତିରେ ନିଜକୁ ସମର୍ପିଲେ କଥା କହି

ଥାଏ ଜଡ   ।

ସମ୍ପର୍କରେ ମଧୁରତା ଆସେ ତ ବାର୍ତ୍ତା 

ଆଦାନ ପ୍ରଦାନରେ

ମନର ଭାଷାକୁ ପଢି ପାରିବନି ଛଳନା

ଭରା ମନରେ ।

ସମ୍ପର୍କର ମୂଲ୍ୟ ବୁଝି ପାରିଲେ ଜୀବନ 

ସୁଗମ ହୁଏ 

ପ୍ରୀତିର ସମ୍ପର୍କ ଧୀରେ ଧୀରେ ତ ମୃଦୁ 

ମଳୟ ବୁହେ ।

ବିଦ୍ୟାର ମୂଲ୍ୟ ଜାଣଇ ବିଦ୍ବାନ, ମୁରୁଖ 

ଜାଣି ପାରେନା

ବିଶ୍ଵାସକୁ ବିକି ଅବିଶ୍ୱାସରେ ଆପଣେଇବା 

ସମ୍ଭବ ହୁଏନା ।

ସତ୍ୟର ରାସ୍ତାରୁ କଡ଼େଇ ଗଲେ, ପାଇବନି 

ଶାନ୍ତିର ଭାଗ

ଏକ ମିଛକୁ ଘୋଡେଇବା ପାଇଁ ଶହେ ମିଛ, 

ଦିନୁଦିନ ବଦଳେ ରଙ୍ଗ ।

ସତ୍ୟ ପଥରେ ଚାଲିଲେ, ହସି ଉଠେ ସଦା 

ସର୍ବଦା ଧରାପୃଷ୍ଠ 

ମିଥ୍ୟାର ପ୍ରକୋପରେ ହାହାକାର ହୋଇ 

ଉଠନ୍ତି ଜୀବଜଗତ ।