🌹ସପନ 🌹

ସପନ ସାଗରେ ଯେବେ ଭାସି ଯାଏ

        ଖୋଜେ ମୁଁ ମୁକୁତା ମଣି

ମନ ପଞ୍ଜୁରୀରେ  ବାନ୍ଧି ରଖିଅଛି

        କରିବାକୁ ହୃଦ ରାଣୀ   ll

ଗହଳ ନିଦରେ   ଶୋଇଗଲେ ତମେ

        ଆଖିରେ କଜଳ ମାଖି  

ମୋ ସପନ ଭିଜା ଆଖି ଦୁଇଟାରେ

       ରୂପ ତୁମ ଯାଏ ଲାଖି ll

ଅପାଙ୍ଗ ସେ ଠାଣି ରୂପ ତନୁଶିରି

       ଭିଜାଏ ପ୍ରେମର ଧାରେ

ତନୁ ଶୋଭାକାନ୍ତି   ସୁଷମା ଶୋଭିତ

      ମୋହିନୀ ବିମ୍ବ ଅଧରେ ll

ମେଘର ମଲ୍ଲାର ନିତି ତୋଳୁଥାଅ

      ପାଦର ନୂପୁର ତାଳେ

ତନୁମନ ପ୍ରାଣ ଅସ୍ଥିର ହୁଅଇ

      ପ୍ରୀତି ମନ୍ଦାକିନୀ ଢଳେ ll

ସୂରିଲା ସୂରିଲା    ପ୍ରେମର ରାଗିଣୀ

        ମିଠା ମିଠା ପ୍ରୀତି ଭାଷା

ଥରେ ଦେଲେ ଶୁଣି   ଦେହେ ଜଳେ ନିଆଁ

        ଘାରଇ ପ୍ରେମର ନିଶା ll