ସପନ ନଅର

ସମ୍ପର୍କର ନଦୀ ତୀରେ ସୁନେଲି ସହର

ଗଢିଛି ସେଠାରେ ଯତନେ ସ୍ୱପ୍ନର ନଅର

ରାଜକୁମାର ନୁହଁଇ ମୁଁ ନୁହେଁ ଜମିଦାର

ପ୍ରେମ ଭିକ୍ଷୁଟିଏ ସ୍ପନ୍ଦନ ହୃଦୟର ll

ପ୍ରେମ ଉପଵନେ ସଜ ଫୁଟା କୁଷୁମ

ପୂର୍ଣ୍ଣମୀ ରାତିରେ ନଭେ ଚନ୍ଦ୍ର ସମ

ଶୀତଳ ପରସେ ହୃଦେ ଜାଗ୍ରତ ଯେ ପ୍ରେମ

ଯୌବନ ଅଙ୍କାବଙ୍କା ପଥେ ଭେଟହେଲା ତୁମ ll

ପହିଲି ଦେଖାରେ ହୃଦ ହାରିଲି ମୋହର

ନୟନର ତୀର କରେ ବକ୍ଷ ପାର

ମୂଢ଼ ମୁଖେକି ବର୍ଣ୍ଣିବି ରୂପ ତୁମର

ହରିଣୀ ଚକ୍ଷୁ ଦ୍ୱୟ ଓଷ୍ଠ ପଦ୍ମ ପାଖୁଡ଼ାର l

ସମୟ ଅବା ତୁମେ ଖେଳ ଲୁଚକାଳି

 ପ୍ରେମର ସାତ ରଙ୍ଗେ ଖେଳୁଛି ହୋଲି

ପୀରତି କୁସୁମ ଦିନେ ଗଲା ମଉଳି

ପାଶ୍ଚତ୍ୟର ଆବରଣ ଓଢ଼ିଲିନି ବୋଲି ll

ଆକୁଳ ହୃଦୟ ଅବା ପାରିଲାନି ବାରି

ଆକର୍ଷଣ ବଳେ ସିନା ଆକର୍ଷଣ କରି

ପ୍ରେମ ତା ଛଳନା ମାୟାଜାଲ ପରି

ପ୍ରେମପକ୍ଷୀ ଉଡ଼ିଗଲା ହୃଦୟେ ବେଦନା ଭରି ll

ପ୍ରେମ ସଫଳ ସିନା ନଥିଲା ଭାଗ୍ୟରେ

ପ୍ରେମ କରିବାଟା ଥାଏ ନିଜ ଅକ୍ତିଆରେ

ରାଣୀ ଥିଲା ସେତ ସପନ ନଅରେ

ଛିଟା ଛାଡିଗଲା ଏଇ ଭଙ୍ଗା ହୃଦୟରେ ll