ସଫଳତାର ମନ୍ତ୍ର
ସଫଳତାର ମନ୍ତ୍ର
ଉଦ୍ଯୋଗୀ ପୁରୁଷ ପୁରୁଷାର୍ଥ କରି
ସଫଳତା ପ୍ରାପ୍ତ ହୁଏ ।
ଦଇବ ଦେଲା ମୋ ଭାଗ୍ୟେ ଥିଲା ବୋଲି
କାପୁରୁଷ ନର କହେ ।
ପୁରୁଷାକାରକୁ ଜାଗରଣ କରି
ଆତ୍ମ ଶକତି ଜାଗ୍ରତ ।
କରିଲେ ନିଶ୍ଚିତ ଦଇବ ବିଧାନ
ହୋଇଥାଏ ପ୍ରତିହତ ।
ଯତନ କରିଲେ ରତନ ମିଳଇ
ମହାପୁରୁଷ ବଚନ ।
ରତନ ତୁମକୁ ଯଦି ନମିଳିଲା
କରିଲ ବହୁ ଯତନ ।
ଦେଖ ସେ ଯତନେ କି ଦୋଷ ରହିଲା
କର ତାର ପ୍ରତିକାର ।
ସଫଳତା ତୁମେ ହାସଲ କରିବ
କେବେ ସନ୍ଦେହ ନକର।
ଏତେ ସହଜ ଏ ସଫଳତା ମନ୍ତ୍ର
ଏହାକୁ ଧାରଣ କର ।
ସଫଳତା ତୁମ ଚରଣ ଛୁଇଁବ
କର ଏ ପୁରୁଷାକାର ।