ସଫା ରଖ ପରିବେଶ

ଆମ ପରିବେଶ ହୋଇଛି ଦୂଷିତ,

ସେଥିପାଇଁ ଆମେ ଦାୟୀ ।

ଅନ୍ୟର ଦୋଷଟା କାହିଁ ଦେବା ଆମେ,

ନିଜ ଦୋଷକୁ ଲୁଚାଇ ।।

ବଜାରରୁ ଆମେ କିଣୁଛୁ ଜିନିଷ,

ଜରି ଫିଙ୍ଗି ଏଣେତେଣେ ।

ସେହି ଜରି ପୁଣି ମାଟିକୁ ବିପଦ,

ଏକଥା କିଏ ନ ଜାଣେ ?

ଜରିଗୋଟାଳିଟେ ସେସବୁ ଜରିକୁ,

ଖୋଜି କି ସାଉଁଟି ନିଏ ।

ଅନ୍ୟ କାହାକୁ ସେ ସ୍ୱଳ୍ପ ପଇସାରେ,

ପେଟ ପାଇଁ ବିକିଦିଏ ।।

ତା ପାଇଁ କେବଳ ଆମ ପରିବେଶ,

ହୁଅଇ ସଫାସୁତୁରା ।

ଏ ମହାନ କାମ ଆମ ଏ ଆଖିକୁ,

ନିଚ୍ଚ କାମ ଲାଗେ ପରା ।।

ଜରିଗୋଟାଳିଟେ ଆମ ଘର ପାଖୁ,

ଜରିକୁ ସାଉଁଟେ ଯେଣୁ ।

ମୃତ୍ତିକା ପାଇଁ ସେ କରେ ଉପକାର,

ଦେବଦୂତ ସମ ତେଣୁ ।।

ଜରିଗୋଟାଳିକୁ ଦିଅ ହେ ସମ୍ମାନ,

ନ କରିଣ ଉପହାସ।

ତା ଠାରୁ ଶିଖ ଏ ମହତ ପଣିଆ,

ସଫା ରଖ ପରିବେଶ ।।