ସଂସ୍କୃତ ଦିବସ ଅନୁଚିନ୍ତା

ମହାନ ଅଟେ ଆମର ଦେଶ ଏ ଭାରତ l

ସଂସ୍କାରିତ ସଂସ୍କୃତି ଯା ଶ୍ରୁତିବାଣୀ ପୂତ ll

ଦେବଭାଷା ସଂସ୍କୃତ ତା ବିଶ୍ଵରେ ବିଦିତ l

ଉତ୍କର୍ଷପଣେ ତାହାର କେ ହେବ ସମର୍ଥ ll

ସୁଦୃଢ଼ ମୂଳ ଭିତ୍ତି ତା' ପୁଷ୍ଟ ବ୍ୟାକରଣେ l

ଚତୁର୍ବେଦ ରଚିଗଲେ ଆର୍ଯ୍ୟୠଷିଗଣେ ll

ଦୟାବହି ଏ ଦେଶରେ ମାଆ ଭଗବତୀ l

ସରସ୍ଵତୀ ଦୃଷଦ୍ବତୀ ବହେ ସ୍ରୋତସ୍ଵତୀ ll

ବେଦମନ୍ତ୍ର ଝଙ୍କାରିଲେ ମାଆ ବୀଣାପାଣି l

ସଂସ୍କୃତ ବହିଲା ଆମ ଭାଷା ତରଙ୍ଗିଣୀ ll 

ଶତେ ସହସ୍ର ଶାହାସ୍ର,ପୁରାଣ, ସଂହିତା l

ବେଦ, ଉପନିଷଦ ଶ୍ରୀ ଭଗବତ ଗୀତା ll

ଆମ ପୁଣ୍ୟ ରାମାୟଣ ଶ୍ରୀ ମହାଭାରତ l

ଅପୂର୍ବ କାହାଣୀ ବିଶ୍ୱେ ଅତୀବ ଆଦୃତ ll

ଆମ ବାଲମିକ ମହା ମୁନି ଵେଦ ଵ୍ୟାସ l

ଭାରବୀ,ଶ୍ରୀହର୍ଷ,ମାଘ,କବି କାଳିଦାସ ll

ଜୟଦେବ, ଶ୍ରୀବଲ୍ଲଭ ଆଚାର୍ଯ୍ୟ ଶଙ୍କର l

ଗ୍ରନ୍ଥ ରଚି ଗଲେ କାହିଁ ତୁଳନା ତାହାର ll

ସଂସ୍କୃତ କଥା ପ୍ରଶଂସି ମୁଁ କିବା ଭାଜନ l

ଯହିଁରେ ବଣା ହୁଅନ୍ତି, ବିଶ୍ଵରେ ବିଦ୍ୱାନ ll

ସଂସ୍କୃତ ଦିବସେ ଏହି ଅନୁଚିନ୍ତା ମୋର l

ଭାଷା ଜନନୀକୁ କରେ ଶତ ନମସ୍କାର ll