🥉🏅ସଂପର୍କର ଡୋର:-୨🥉🏅

ମନୁଷ୍ୟ ଉତ୍ପନ୍ନ ଜନନୀର ଗର୍ଭୁ

ଗର୍ଭରୁ ଧରଣୀ ଆସେ,

ଭିଆଣ ଅପୂର୍ବ ପ୍ରଭୁଙ୍କର ଏହୁ

ରଙ୍ଗମଞ୍ଚ ପରି ଦିଶେ।୧।

ଶିଶୁ କାଳୁ ସେହୁ ବଡ଼ ହୋଇ ଥାଏ

ପ୍ରେମ ସ୍ନେହ ଶ୍ରଦ୍ଧା ପାଇ,

ଗାଁଆର ପଡୋଶୀ ଶିଶୁ ସଙ୍ଗେ ଖେଳେ

ଅତି ଆନନ୍ଦିତ ହୋଇ।୨।

ଶିଶୁ କାଳେ ତାର ପବିତ୍ର ସଂପର୍କ

ପଛେ ରହି ଯାଏ ସେହୁ,

ସ୍କୁଲ କଲେଜରେ ପାଠ ପଢେ ଯାଇ

ସଙ୍ଗସାଥୀ ମେଳେ ସେହୁ।୩।

ପଢା ସରିଗଲେ ସାଥିଙ୍କ ସଂପର୍କ

ପଛେକୁ ରୁହେ ତାହାର,

ଦାମ୍ପତ୍ୟ ଜୀବନେ ପଦାର୍ପଣ କରେ

ଗୃହସ୍ତ ସଙ୍ଗରେ ତାର।୪।

କର୍ମରେ ଜଡ଼ିତ ରହି ଥାଏ ସେହୁ

ସତ୍ୟପଥେ ସଦା ରହି,

ରାଷ୍ଟ୍ର ହିତେ ସଦା କାର୍ଯ୍ୟ କରୁ ଥାଏ

ସଂପର୍କ ଜଡ଼ିତ ରହି।୫।

ସ୍ତ୍ରୀ ପୁତ୍ର ପ୍ରେମେ ଅପୂର୍ବ ସଂପର୍କ

ପଟାନ୍ତର ନାହିଁ ତାର,

କର୍ମକ୍ଷେତ୍ରେ ହୁଏ ଅପାର ସଂପର୍କ

କିପରି ବର୍ଣ୍ଣିବି ତାର।୬।

ଦୁର୍ଲ୍ଲଭ ଜୀବନ ମନୁଷ୍ୟ ଜୀବନ

ରଙ୍ଗମଞ୍ଚ ପରି ଖେଳ,

ଖେଳ ସରି ଗଲେ ନଦୀ ତୀରେ ଯିବ

ସରି ଯିବ ସବୁ ଖେଳ।୭।

ପଛେ ରହି ଯିବ ସ୍ମୃତିରେ ସଂପର୍କ

କିଛି ନ ରହିବ ସେହୁ 

ପଛେ ରହି ଯିବ ଅଗାଧ ସଂପର୍କ

ସ୍ତ୍ରୀ ପୁତ୍ର ପରି ସେହୁ।୮।

ନଦୀ ତୀର ହେବ ତାହରୀଟି ସ୍ଥାନ

ମିଥ୍ୟା ଆଉ ସବୁ କିଛି,

ସଂପର୍କର ଡୋର ସ୍ମୃତି ରେ ରହିବ

ନ ରହିବ ତାର କିଛି।୯।

ରଙ୍ଗମଞ୍ଚ ଏହୁ ସଂପର୍କେ ଜଡ଼ିତ

ସ୍ମୃତି ରେ ରୁହେ ଟି ତାହା

ଖେଳ ସରି ଗଲେ ନଦୀ ତୀରେ ଯିବ

ନଦୀ ତୀର କରେ ସାହା।୧୦।

ମନୁଷ୍ୟ ଉତ୍ପନ୍ନ ଜନନୀର ଗର୍ଭୁ

ଗର୍ଭରୁ ଧରଣୀ ଆସେ,

ଭିଆଣ ଅପୂର୍ବ ପ୍ରଭୁଙ୍କର ଏହୁ

ରଙ୍ଗମଞ୍ଚ ପରି ଦିଶେ।୧୧।

ଅଜିତ କୁମାର ରାଉତ🥉🥉🏅ଗାଁ କଳାବାଡିଆ

ସଭାପତି, ଉତ୍କଳ ସମ୍ମିଳନୀ

ସଢୈଇକଳା ଖରସୁଆଁ ଜିଲ୍ଲାର

ରାଜନଗର ବ୍ଲକ ଶାଖା

ଝାଡ଼ଖଣ୍ଡେ ରାଜ୍ୟ

,💅💅💅💅💅