ସମୟର ଠିକଣା

ସମୟର ଠିକଣା

କିଏ ବା ପାରିବ କହି

ଭାବନ୍ତି ସଭିଏଁ

ଗତାନୁଗତିକସେ l

ସମୟର ଅନୁରାଗ

ବେଳେବେଳେ ବଢିଆଳି 

ଦେହରେ ଅଦୃଶ୍ୟ ଆଲିଙ୍ଗନ ସମ

ଆଜାଡି ଦେଲେବି l

ସଂସାର ପିରାମିଡ଼ରେ

ବଦଳୁଥାଏ ପ୍ରତିମୁହୂର୍ତରେ

ଦୃଶ୍ୟପଟର ରଙ୍ଗ ବାର ବାର

ମୁଦ୍ରିତ ଯୌବନ ଖାଲି  l

ବଞ୍ଚି ରହିଥାଏ ସୁପ୍ତ

ଅବସ୍ଥା ରେ 

କାମନା ବାସନା

ଚିନ୍ତା ଚେତନା ଅହରହ ନିଷ୍ପେସିତ

ଅହଂକାରର ଅଗ୍ନିରେ l

ପତରରୁ ପଣତ ଯଏଁ

ଯେତେ ରଙ୍ଗ ମାଖିଲେ ବି

ନ ପାଏ କୂଳ କିନାରା

ଭବିତବ୍ୟ ଆତଙ୍କରେ ଭରା l

ଅନ୍ତଃ୍ରମନରେ ଅସ୍ପଷ୍ଟ ଯନ୍ତ୍ରଣା

ସତେ ଅବା ହଜିଯାଇଥାଏ

ଖୋଜୁଥିବା ସମୟର ଠିକଣା

ନିୟତିର କାଳ ଚକ୍ରେ l

କି ଅବା ପ୍ରାରବ୍ଧ ତାଡ଼ନାରେ

ଖୋଜି ଖୋଜି ସମୟକୁ

ସହିବାକୁ ପଡିଥାଏ

ଅନେକ ଯାତନା l