ସମୟର ଗୂଢତତ୍ତ୍ୱ
ସମୟର ଗୂଢତତ୍ତ୍ୱ
ଏକା ଏକା ଜୀବନରେ
ନିଛାଟିଆ ଦୋଛକିରେ
ମୁଁ କାହାର ଅପେକ୍ଷାରତ
ବୋଧେ ସମୟର
ସମୟ କାହାକୁ ଅପେକ୍ଷା କରେନା
ଜାଣି ସୁଦ୍ଧା ବାଟବଣା
ବେଳ ତ ସବୁବେଳେ ରତରତ
କାହିଁକି କେଜାଣି କଟକଣା
ଏକା ଏକା ଦାର୍ଶନିକ ହେବାରେ
ପଥ ଓ ପାଥେୟ ପର୍ଯ୍ୟାପ୍ତରେ
କାହିଁକି ଏତେ ଅସନ୍ତୋଷ
ସମୟର ନାହିଁ ପଥପ୍ରାନ୍ତ
ସମୟର ବି ନାହିଁ ଆଦିଅନ୍ତ
ଯଦିଓ ସକାଳ ଓ ସନ୍ଧ୍ୟା ଆଗତ
ମଧ୍ୟାହ୍ନ ପାଇଁ ନାହିଁ ଜାତିଗୋତ୍ର
ସେଇଥିପାଇଁ ଲାଗେ ବୋଧେ ଅସମାପ୍ତ
ଦାର୍ଶନିକ ମନସ୍ତତ୍ତ୍ୱ
ସମୟ ନିକଟରେ ତୁଚ୍ଛ ଇତଃସ୍ତତ
ପରଜୀବି ଓ ଅନୁଜୀବରେ
ସ୍ୱତନ୍ତ୍ର ସ୍ୱାତେନ୍ତ୍ରୟତା ଆଜି ପରାହତ
ଅସମାହିତ ଓ ଭୀତତ୍ରସ୍ତ l