ସମୟ ହାଟରେ
ସମୟ ହାଟରେ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ସମୟ ହାଟରେ ଭାରି ଭିଡ଼ ଲାଗେ
କିଣାବିକା ବହି ହୁଅଇ ନିତି ,
ସେ' ବହିରେ ଲେଖା ଜୀବନ ଚକ୍ରର
ସୁଖ ଦୁଃଖ ଭରା ଜୀବନ ଗୀତି ।
ବହି ଲେଖା ପାଇଁ ସଭିଏଁ ତ ବ୍ୟସ୍ତ
ଲେଖିବାକୁ କିଛି ଅଭୂଲା ସ୍ମୃତି ,
ଅବଗାହିବ ଯେ ସେ ସ୍ମୃତିରେ ଥରେ
ବିସ୍ମୃତି ନୋହିବ ସକଳ ଗୀତି ।
ପାଠକ ଅଭାବେ ଭଲ ବହିଟିଏ
ରୁଚିହୀନ ଲାଗେ ସବୁ କାହାଣୀ,
ସମୟ ହାଟରେ ଫିକା ସମ୍ପର୍କରେ
ଆଦୃତ ହୁଏନି ମନକୁ ଜାଣି ।
ଭଲ ପାଇଁ ଭଲ ମନ୍ଦ ପାଇଁ ମନ୍ଦ
ଫଳାଫଳ ଖଞ୍ଜା ହୋଇଛି ଜାଣି ,
ସମୟ ହାଟର ଅଭୂଲା ସ୍ମୃତି କୁ
ପ୍ରଭୁଙ୍କୁ ସମର୍ପି ଲେଖିବା ପୁଣି ।
ସମୟ ହାଟର କିଣା ବିକା ବେଳେ
ଖଟା, ମିଠା ସ୍ମୃତି ମନେ ପକେଇ ,
ଜୀବନ ବହିରେ ସ୍ମୃତି ଫଳକରେ
ହୃଦ କଲମରେ ଦେବା ଗାରେଇ ।
ହାଟ ସରାଗିଙ୍କ ଗହଳ ଚହଳେ
ବିସ୍ମୃତି ହୋଇବ ଜୀବନ ଗୀତି ,
ହାଟ ସାରିଦେଇ ବାହୁଡିବା ସର୍ବେ
କିଣାବିକା ର'ତ ହୋଇବ ଇତି ।