Library
Profile
ସମୟ ଦିଏ ଆହ୍ୱାନ
ସମୟ ଦିଏ ଆହ୍ୱାନ
ଜଳୁଛି ଭାରତ ଚର୍ତୁପାର୍ଶ୍ବେ ନିଆଁ
ସମୟ ବିପଜ୍ଜନକ
ହୁଅନ୍ତୁ ସତର୍କ ହେ ବୀର ସୈନିକ
ଜନଗଣ ନାଗରିକ ।
ଜଗିଅଛି ଶ୍ବାନ ଶତ୍ରୁ ପାକିସ୍ତାନ
ଜଳୁଛି ବାଙ୍ଗଲାଦେଶ
ଶ୍ରୀଲଙ୍କା ନେପାଳ ପାଖ ପଡୋଶୀରେ
ଟେକୁଛି ମୁଣ୍ଡ ସନ୍ତ୍ରାସ ।
ଗୃଧ୍ର ବ୍ଯାଧ ଚକ୍ଷୁ ରଚେ ଷଡଯନ୍ତ୍ର
କରୋନାର ଆଢୁଆଳେ
ଭାରତ ସମେତ ବିଶ୍ବବାସୀ ତ୍ରସ୍ତ
ଜୀବନ ଜୀବିକା ହାରେ ।
ବାଣ୍ଟୁଛି ଚାଇନା ରୋଗ ମହାମାରୀ
ସଂକ୍ରାମକ ମାରାତ୍ମକ
ଥରେ ମଧ୍ଯ ପ୍ରାଚ୍ଯ ରୁଷିଆ ୟୁକ୍ରେନ
ଯୁଦ୍ଧ ବ୍ଯାପେ ଭୟାନକ ।
ହେଉଛି ଅଶାନ୍ତ ଆକାଶ ପୃଥିବୀ
କମ୍ପୁଛି ମହାସାଗର
ପ୍ରକୃତି ବିତ୍ପାତେ ଧରା ଧସିଯାଏ
ତରଳେ ମେରୁମଣ୍ଡଳ ।
ଚାଲୁଛି ଭୀଷଣ ଜୀବନ ସଂଗ୍ରାମ
ପରିବେଶ ପ୍ରଦୂଷିତ
ବିଷ ବଳୟରେ ସନ୍ତ୍ରସ୍ତ ମଣିଷ
ଦୁଃଖ ଅବସାଦ ଗ୍ରସ୍ତ ।
ଚାଲେ ଅବ୍ଯାପାର ବଢେ ଅବିଶ୍ବାସ
ଅଯଥା ପ୍ରତିଯୋଗିତା
ସଙ୍କଟରେ ଧର୍ମ ନୀତି ସୁସଂସ୍କାର
ଦିଗହରା ମାନବତା ।
ଆମରି ଭିତରେ କେତେ ଘର ଢିଙ୍କି
ଅଛନ୍ତି ଶତ୍ରୁ କୁମ୍ଭୀର
ନ ଚିହ୍ନିଲେ ବିଷ କୁମ୍ଭ ପୟ ମୁଖ
ସ୍ଥିତି ହେବ ଅସମ୍ଭାଳ ।
ହୋଇ ଐକ୍ଯବଦ୍ଧ ଲଢିବାକୁ ହେବ
ସମୟ ଦିଏ ଆହ୍ୱାନ
ନହେଲେ ସଚେତ ହଜିବ ଅସ୍ତିତ୍ବ
ସାଧୁ ହୁଅ ସାବଧାନ ।
