ସମୁଦ୍ର ଆସୁଛି ମାଡ଼ି

ବିକାଶ ନାମରେ ଅତି ଆଧୁନିକ

ଯାତାୟତ ଯୋଗାଯୋଗ

ଅଙ୍ଗାରକାମ୍ଳ ଓ ଦୂଷିତ ବାଷ୍ପର

ମାତ୍ରାଧିକ ଉପସର୍ଗ ।

କ୍ଷତି କରୁଅଛି ଓଜୋନ ମଣ୍ଡଳ

ବଡ଼ ବଡ଼ ହୁଏ ଛିଦ୍ର

ଅତି ବାଇଗଣି ରଶ୍ମି ପ୍ରବହନେ

ତରଳଇ ହିମବାହ ।

ଜନ ବିସ୍ଫୋରଣେ ପ୍ରକୃତି ଉପରେ

ବଢି ବଢି ଯାଏ ଚାପ

ଲୋପ ହେଉଅଛି ଜଙ୍ଗଲ ପାହାଡ

ମୈ।ସୁମୀ ଅନିୟମିତ ।

ଶିଳ୍ପକରଣର ବୃଦ୍ଧିରେ ସଙ୍କଟ

ପ୍ରଦୂଷିତ ରସାୟନ

ସୃଷ୍ଟି କରେ ନାନା ବ୍ୟାଧି ମହାମାରୀ

ଆୟୁ ହୋଇଯାଏ କ୍ଷୀଣ ।

ବିଶ୍ୱ ତାପାୟନ ପ୍ରଖର ପ୍ରବଳ

ବେଳୁ ବେଳ ଯାଏ ବଢି

ଲଙ୍ଘୁଅଛି କୂଳ ଅଶାନ୍ତ ସମୁଦ୍ର

ସ୍ଥଳଭାଗେ ଯାଏ ମାଡ଼ି ।

ମହା ପ୍ରଳୟ ହୋଇବ କାରଣ

ଘଟିବ ମହାବିନାଶ

ବିଶେଷଜ୍ଞ ମାନେ କରି ଅଧ୍ୟୟନ

ଦେଉଛନ୍ତି ପରାମର୍ଶ ।

ବେଳ ଥାଉଁ ଯଦି ନ ହୋଇବା ସର୍ବେ

ସଚେତନ ସାବଧାନ

ଆହ୍ୱାନ କରିବା ମହାବିନାଶକୁ

ନାହିଁ ବେଶୀ ଡେରି ଦିନ ।

   ------