ସ୍ମୃତି ତୁମେ ଅଜା
ସ୍ମୃତି ତୁମେ ଅଜା
ଜଳୁଥିଲା ଦୀପ ଦେଇ ସେ ଆଲୋକ
ଦେଖାଉ ଥିଲା ଯେ ବାଟ
ଅକାଳ ସମୟେ ଲିଭିଲା ସେ ଦୀପ
ଧରିବି କାହାର ହାତ ।
କେତେ ସେହ୍ନ ପ୍ରେମ ଦେଲା ପିଲାଦିନୁ
ପାଶେ ଥିଲା ଛାଇ ପରି
ଅଫେରା ବାଟରେ ପାଦ ଦେଇ ଆଜି
ଚାଲିଗଲା ପର କରି ।
ବାପା ମା ପରି ପାଳିଥିଲା ମୋତେ
ପୂର୍ଣ୍ଣ କରି ସବୁ ଅଳି
ଶେଷ ମୁହୂର୍ତ୍ତରେ ଦିଟୋପା ଲୁହରେ
ଦେଲି ତାକୁ ଶ୍ରଦ୍ଧାଞ୍ଜଳି ।
ସବୁ ସେହ୍ନ ପ୍ରେମ ହୋଇଗଲା ଶେଷ
ହୋଇଯିବ ସବୁ ସ୍ମୃତି
କେଇ ଦିନ ପରେ ଭୁଲି ଯିବେ ତାକୁ
ନାଁ ହେବ ତାର ଇତି ।
କୋକେଇ କାନ୍ଧେଇ ନେଲି ତାକୁ ବୋହି
ଆସିଲି ଛାଡ଼ି ମୁଁ ମଶାଣି
ନଅ ଦିନ ପରେ ହେଲା ଦଶଘର
ଟେକି ଦେଲି ତାକୁ ପାଣି ।
ଆଖି ଦେଖିବନି ଆଉ ତା ଚେହେରା
ସୁଭିବନି ତାର ସୁର
ଛାଡ଼ି ଚାଲିଗଲା ମଶାଣି ଭୂଇଁକୁ
ସଭିଙ୍କୁ କରି ସେ ପର ।
ସଭିଁଙ୍କ ମୁହଁରେ ଦେଉଥିଲା ହସ
ହୃଦୟର ଥିଲା ରାଜା
ଏଇ ଦୁନିଆଁରେ ଯେତେ ଖୋଜିଲେବି
ଆଉ ପାଇବିନି ଅଜା ।।