🌻🌻ସ୍ମୃତି ରହି ଗଲା ହୃଦେ🌻🌻

କର୍ତ୍ତବ୍ୟ ପୂରଣ କରିଣ ଜନନୀ 

  ଗମନ ପ୍ରଭୁ ଚରଣ,

ପତିବ୍ରତା ନାରୀ ପତିକୁ ଛାଡିଣ

  ଦେଲେ ସେ ପତ୍ନୀ ପ୍ରମାଣ।

ସକାଳୁ ଉଠିଣ ସାରି ନିତ୍ୟକର୍ମ

  ଗମନ ପତି ଭକ୍ତିରେ,

ପତି ପାଦ ଧୁଆ ପାଣିକୁ ଗ୍ରହଣ

  କରନ୍ତି ନିତ୍ୟେ ଭକ୍ତିରେ।

ଶାଶୁ ଓ ଶଶୁରେ ଭକ୍ତିରେ ପୂଜନ

  ଥାଏ ତାଙ୍କ ଦିନଚର୍ଯ୍ୟା,

ତାହା ପରେ ନିତ୍ୟେ ଜଗନ୍ନାଥ ପୂଜା

  ଥିଲା ତାଙ୍କ ଦିନଚର୍ଯ୍ୟା।

ଦୁଇ ପୁତ୍ର ପୁଣି ଛଅ ପୁତ୍ରୀ ତାଙ୍କ

  ଆନନ୍ଦ ସୁଖ ସଂସାର,

ସବୁ ହିଁ ସନ୍ତାନେ ଶିକ୍ଷିତ ତାଙ୍କର

   ସବୁ ହିଁ ଆତ୍ମନିର୍ଭର।

ଅତିଥି ସତ୍କାର ମୁଳ ମନ୍ତ୍ର ତାଙ୍କ

  ସମଭାବ ଟି ଗୃହରେ,

ଶିକ୍ଷିତ ନାରୀ ସେ ସମାଜ ସେବାରେ

   ଥିଲାମନ୍ତ୍ର ଜୀବନରେ।

ସ୍ମୃତି ଜୀବନରେ ରହିବେ ଜନନୀ

  ଶିକ୍ଷା ତାଙ୍କ ସମାଜରେ,

ଗୃହଣୀ ଧର୍ମରେ ନାରୀର କର୍ତ୍ତବ୍ୟ

  ରଖି ଦେଲେ ସେ ମହିରେ।

ଶୋକାକୁଳ ଗୃହ ଦୁଖିତ ସନ୍ତାନେ

  ସାଇ ପଡୋଶୀ ଚିନ୍ତିତ,

ପତିବ୍ରତା ନାରୀ ଛାଡ଼ି ଚାଲି ଗଲେ

  କରିଲା ସେ ମର୍ମାହତ।

ନାମ ରଖି ଗଲା ଜନନୀ ମୋହର

  ନାରୀର କର୍ତ୍ତବ୍ୟ ଏହୁ,

ଗୁଞ୍ଜୁ ଥିବ ସଦା ପତିବ୍ରତା ଧର୍ମ

  ନାରୀଧର୍ମ ପଥେ ଏହି।

ମନୁଷ୍ୟ ଜୀବନ ନୁହେଁ ଚିର ଦିନ

  ଜନ୍ମ ମୃତ୍ୟୁ ସତ୍ୟ ହୁଏ,

ଧାତା ଲେଖିଛନ୍ତି ଜନ୍ମ ମୃତ୍ୟୁ ପାଞ୍ଜି

  ସମୟ ଆସିଲେ ହୁଏ।

କର୍ମମୟ ଏହୁ ଦୁର୍ଲ୍ଲଭ ଜୀବନ

  ଜୀବନେ କର୍ତ୍ତବ୍ୟ ସବୁ,

ମନୁଷ୍ୟ କର୍ତ୍ତବ୍ୟ ପୂରଣ ନିମନ୍ତେ

  ଦେଲେ ହିଁ ଜନନୀ ସବୁ।

ସ୍ମୃତି ରହି ଯିବ ହୃଦୟ କଣରେ

 ପଡୁ ଥିବ ତାଙ୍କ ନାମ,

ସ୍ମରଣ ରହିବ ତାଙ୍କ ପତି ଭକ୍ତି

 ପ୍ରେମ ଭକ୍ତିର ସୁନାମ।