Library
Profile
ଓମିକ୍ରନ
ଓମିକ୍ରନ
ବିଶ୍ୱେ ଆସେ କେତେ ଝଡ ଝଞ୍ଜା ଅବା
କେତେ ରୋଗ ମହାମାରୀ,
ସବୁ ସହିବାକୁ ପଡେ ମଣିଷକୁ
ବିପଦକୁ ସାମ୍ନା କରି ।
ଅତି ସୂକ୍ଷ୍ମ ଭାବେ ଆସିଲା କରୋନା
ବିଶ୍ଵସlରା ବ୍ୟାପିଗଲା,
ପ୍ରଥମେ ଗ୍ରାସିଲା ଚୀନ ଦେଶକୁ ସେ
ତିବ୍ରେ ଅନ୍ୟ ଦେଶେ ହେଲା ।
ରୋଗୀକୁ ଛୁଇଁଲେ ରୋଗ ବ୍ୟାପିଗଲା
ଚହଳ ପଡିଲା ବିଶ୍ୱେ,
ଲକ୍ଷ ଲକ୍ଷ ଲୋକ ଚାହୁଁ ଚାହୁଁ ମଲେ
ଭଲ ହେଲେ ମାତ୍ର କେତେ ।
ଏ ପର୍ଯ୍ୟନ୍ତ ତାର ସଠିକ ଔଷଧ
ବାହାରିନି ଜଗତରେ,
ଯାହା ବାହାରିଛି ପ୍ରତିଷେଧକ ସେ
ରୋଗରୁ ସେ ରକ୍ଷା କରେ ।
କରୋନା ଭୁତାଣୁ ରୂପ ବଦଳାଇ
ଆସିଲା ଡେଲଟା ରୂପରେ,
କରୋନାର ତାହା ଦ୍ଵିତୀୟ ଲହର
ସଂକ୍ରମଣ ବହୁ କରେ ।
ଡେଲଟା ଯାଇନାହିଁ ରୂପ ତାର ପୁଣି
&nbs
p; ବଦଳିଛି ନୂଆ ରୂପେ,
ଓମିକ୍ରନ ନାମେ ନାମିତ ହୋଇଛି
ଗୁଣ ବଦଳିଛି କେତେ ।
ଆଫ୍ରିକାରେ ଏହା ପ୍ରଥମେ ଚିହ୍ନଟ
ସଂକ୍ରମଣ ବଢିଚାଲେ,
ରୋଗୀ ବାହୁଡ଼ିଲେ ନିଜର ଦେଶକୁ
ରୋଗର ବାହକ ହେଲେ ।
କିଏ କହେ ଏହା ମହା ଭୟଙ୍କର
କିଏ ବା କହୁଛି ନୁହେଁ,
ପ୍ରତିଷେଧକର ଟୀକା ଯେ ନେଇଛି
ଭଲ ହୋଇଯିବ ସିଏ ।
ଓମିକ୍ରନ ପାଇଁ ଆରମ୍ଭ ହେଲାଣି
କଟକଣା ଦେଶେ ଦେଶେ,
କରୋନା ନିୟମ ମାନି ଚଳିବାକୁ
ପ୍ରରୋଚନା ନିତି ଆସେ ।
ଜନ ଗହଳିକୁ ଯିବାପାଇଁ ମନା
ବାଧ୍ୟ ମାସ୍କ ବ୍ୟବହାର,
ଘରକୁ ଫେରିଲେ ଭଲେ ହାତଧୁଆ
ତାର ଭଲ ଉପଚାର ।
