ଅକ୍ଷୟ ତୃତୀୟା

ଥିଲା ରୌଦ୍ର ଖରା

ସମୟ ଚାରି'ଟା

ପଶ୍ଚିମ ଦିଗ ଅନ୍ଧାର !

ଦିଶୁ ଥିଲା ଦୃଶ୍ୟ

କଳା ମେଘ ପରି

ଖୁସିରେ ନାଚେ ଶରୀର !

ବର୍ଷାର ସଙ୍ଗରେ

ପ୍ରଖର ପବନ

ଧରିତ୍ରୀ ହେଲା ଅନ୍ଧାର !!

ମନେ ପଡ଼ି ଗଲା

ଅକ୍ଷୟ ତୃତୀୟା

କାଲି ପରା ଶୁକ୍ରବାର !

ବର୍ଷାର ଆରମ୍ଭ

ଚାଷ ଶୁଭାରମ୍ଭ

ଆନନ୍ଦ ଚାଷୀ ଅପାର !

ହୁଏ ଶୁଭକର୍ମ

ଆଜି ଠାରୁ ଯହିଁ

ବ୍ରତ ପୂଜା ବାହାଘର !!

କୃଷକ ହର୍ଷିତ

ଶୁଭ ଅନୁକୂଳ

ମୁହୂର୍ତ୍ତ ପରା ଚାଷର !

ସଜେଇ ବସିଛି

କୃଷକ ଘରଣୀ

ଅକ୍ଷୀ ମୁଠି ଧାନ ତା'ର !

ଲିପାପୋଛା କରି 

ଘର ଦ୍ବାର ନାରୀ

ଚିତା ଲେଖିଛି ସୁନ୍ଦର !!

ଲକ୍ଷ୍ମୀ ପାଦ ତହିଁ

ଲେଖିଛି ଭକ୍ତିରେ

ପ୍ରୀତି ରଖି ଲକ୍ଷ୍ମୀଙ୍କର !

ଶଙ୍ଖ ହୁଳହୁଳି

ପଡୁଛି ଗୃହରେ

ଅକ୍ଷୟ ଏ ତୃତୀୟାର

ନୂଆ ପରିଧାନେ

କୃଷକ ଭାଇରେ

ଜମିକୁ ଯାଉଛି ତା'ର !!

ଶୁଭ ମୁହୂର୍ତ୍ତରେ

ଧାନ ବୁଣି ଦେବ

ହଳ ଲଙ୍ଗଳ ତୈୟାର !

ତିନି ଦିଅଁଙ୍କର

ରଥ ତିନି ତହିଁ

ନିର୍ମାଣ ହୁଏ ରଥର !

ଉତ୍ସବ ମୁଖର

କୃଷକର ଘର

ବର୍ଣ୍ଣିବାର ଶକ୍ତି କାର !!

ଜନ୍ମ ଦିନ ପରା

ପର୍ଶୁରାମଙ୍କର

ଏହୁ ଶୁଭ ଦିନେ ଯାର !

ଏହୁ ଦିନ ପରା

ଗଙ୍ଗା ମର୍ତ୍ତ୍ୟ ପୁର

ଅମୃତ ମୁକ୍ତିର ଧାର !

ରାବଣର ପୁତ୍ର

ଅକ୍ଷୟ ସଂହାର

କରିଥିଲେ ହନୁ ବୀର !!