ସମୟର ଚକ

ସମୟ ବିସ୍ମୟ କରଇ ଆଶ୍ଚର୍ଯ୍ୟ 

   ଅପେକ୍ଷା ଜାତକେ ନାହିଁ , 

ପ୍ରକୃତିର ଖେଳ ସମୟର ସ୍ରୋତ 

   କାଳବଳେ  ଯାଏବହି

ଦିନ ପରେ ରାତି  ସମୟର କୃତି 

    ଏ'କଥାଟି  ଧ୍ରୁବସତ୍ୟ , 

ସମୟର ଚକ ଘୂର୍ଣ୍ଣନ  ଫଳକ 

     ନୁହଁଇ କାହାର ଭୃତ୍ୟ

      

ସମୟର ଖେଳ ନୁହେଁ ଗୋଳମାଳ 

      ଅବିଶ୍ରାନ୍ତ  ଗତିପଥ , 

ଅବିରାମ ଭାବେ ଚାଲି ଥାଏ ଧୀରେ 

    କରେନାହିଁ କର୍ମେ କ୍ରୋଧ 

ସମୟ ବାପୁଡା ନୁହେଁ ପଥହୁଡା

     ଧରମ କରମ କର୍ତ୍ତା , 

ଏକାଗ୍ରତା ଭାବ ରଖଇ ଅକ୍ଷୁର୍ଣ୍ଣ 

     ଜଗତକୁ ଦିଏ ବାର୍ତ୍ତା 

ଦିବସ ରଜନୀ ସମୟର ସାଥୀ 

    ପ୍ରତିକ୍ଷଣେ ଆଙ୍କେ ସ୍ମୃତି , 

ମହା ଜାଗରଣ ସମୟର ଦାନ              

   ଅଲୌକିକ  ସ୍ଵପ୍ନଜ୍ୟୋତି

ଜୀବ ଜଗତର  ବିଶାଳ ବ୍ରହ୍ମାଣ୍ଡ 

    ସମୟର  ସହୋଦର  , 

ପଶୁ ଠାରୁ ପକ୍ଷୀ ମତ୍ସ୍ୟ ଠାରୁ ହସ୍ତୀ 

     ସମୟାନୁ ବର୍ତ୍ତିତା ସ୍ଵର

ଜ୍ଞାନିଗୁଣୀ ଜନ ହୁଅ ସଚେତନ 

     ସମୟ ବଳିଷ୍ଠ ଧନ , 

ଅପେକ୍ଷା ଉପେକ୍ଷା କରନାହିଁ ଜମା 

     କର୍ତ୍ତବ୍ୟରେ ରଖମନ

ଭାଗ୍ୟ ଭବିଷ୍ୟତ ସମୟ ସୂଚୀତ 

   ଦୁଃଖ ପରେ ଆସେ ସୁଖ , 

ସମୟର ଚକ୍ର ଭଲମନ୍ଦ ମିତ୍ର 

    ହୁଅନା ଜମା  ବିମୁଖ

ଆଜି ଯିଏ ରାଜା କାଲି ସିଏ ପ୍ରଜା 

     ସମୟର କୋପ ଚାପ , 

ଗର୍ବ ଅହଙ୍କାର ସତେ ମୂଲ୍ୟହୀନ 

    ଅନ୍ୟାୟ ଅନୀତି ପାପ