ହଳଦୀ ରଙ୍ଗର ମହକ

ହଳଦୀ ରଙ୍ଗଟି ଶୁଦ୍ଧତାର ଚିହ୍ନ 

ସବୁ ଶୁଭ କର୍ମେ ଲାଗେ,

ବାହାଘର ହେଉ ଅବା ବ୍ରତଘର

ହଳଦୀ ର ଵିଧି ଆଗେ ।

ହଳଦୀ ର ଚୂର୍ଣ୍ଣ ରୋଗ ନିବାରକ

ଦେହ ଶୁଦ୍ଧ କରିଥାଏ,

ଚର୍ମ ରୋଗ ପାଇଁ ଅଟେ ମହୋଷୌଧି

ଦେହରେ ଲଗାଏ ଯିଏ ।

ସୁବର୍ଣ୍ଣ ର ରଙ୍ଗହଳଦିଆ ବର୍ଣ୍ଣ

ବୃହସ୍ପତିଙ୍କ ପ୍ରତୀକ,

ହଳଦିଆ ପୁଷ୍ପେ ନାରାୟଣ ଖୁସି

ଲାଗିହୁଏ ତାଙ୍କ ପାଖ ।

ହଳଦୀ ରଙ୍ଗର ପାଟ ପିତାମ୍ବରୀ

ପିନ୍ଧିଥାନ୍ତି ନାରାୟଣ,

ପୀତ ଗାମୁଛା ରେ ଜୟଦେବ ଲେଖା

ବଡ଼ସିଂହାର ପରିଧାନ ।

କଳା ଧଳା ଦୁଇ ଠାକୁର ମଝିରେ

ଶୋଭନ୍ତି ହଳଦୀମୁହିଁ,

ଇନ୍ଦ୍ରଧନୁ ର ସାତୋଟି ରଙ୍ଗରେ

ହଳଦିଆଥାଏ ରହି ।

ହଳଦୀ ରଙ୍ଗର ପୁଷ୍ପ ସୂର୍ଯ୍ୟମୁଖୀ

ଶୀତେ ଫୁଟି ହସୁଥାଏ,

ତା ବୀଜରୁ ତୈଳପୌଷ୍ଟିକ ଅଟଇ 

ଖାଦ୍ୟ ରେଯେ ଲଗା ଯାଏ ।

ସକାଳ କିରଣ ହଳଦିଆ ଦିଶେ

କୋଟିଜନ ମନ ହରେ,

ବେଳାଭୂମି ପରେ ସେକିରଣ ପଡି

ସୁନାବାଲି ରୂପ ଧରେ ।

ହଳଦୀ ବିହୁନେକେଉଁ ଖାଦ୍ୟ ଦ୍ରବ୍ୟ

ରୁଚିକର ଲାଗେନାହିଁ,

ହଳଦୀ ରଙ୍ଗର ସୋରିଷଫୁଲଟି

ଲକ୍ଷ୍ମୀ ଙ୍କର ପ୍ରିୟ ସେଇ ।

ହଳଦୀ ବସନ୍ତ ଦିଶେ ମନୋହର

ବସି ଥିଲେ ବୃକ୍ଷ ଡାଳେ,

ଶାଗୁଆ ପତ୍ର ର ଉହାଡ଼ରୁ ଆହା 

ଖେଳୁଥାନ୍ତି କୁତୁହଳେ ।

କନିଅର ଗେଣ୍ଡୁ ମନ୍ଦାର ଗୋଲାପ

ହଳଦୀ ରଙ୍ଗରେ ଶୋଭା,

ହଳଦୀ ରଙ୍ଗର ଅଳସୀ କୁସୁମ

ଶୀତେ ଦିଶେ ମନଲୋଭା ।

ପାଚିଲା ଫଳର ରଙ୍ଗ ହଳଦିଆ

କି ସୁନ୍ଦର ଆହା ଦିଶେ,

ଗଛର ପତ୍ର ଟି ହଳଦିଆହେଲେ 

ବୃକ୍ଷରୁ ଧୀରେ ସେ ଖସେ ।

ପ୍ରଥମା ଷ୍ଟମୀର ପିଠା ସେ ଏଣ୍ଡୁରି

ହଳଦୀ ପତ୍ରର ବାସ,

ହଳଦୀ ଗୁଣର କି ରୂପ ବର୍ଣ୍ଣିବି

ସବୁ ରଙ୍ଗରେ ସରସ ।