Library
Profile
ସମ୍ପର୍କ
ସମ୍ପର୍କ
1 min
235
ସମ୍ପର୍କ
ମମତାର ସମ୍ପର୍କ
ମନର ଦୁଃଖ ବା ପେଟର ଭୋକକୁ
ଯେ ନ କହି ବି ଜାଣିନେବ
ଯାହାର କୋଳରେ ଶୋଇଗଲେ ଥରେ
ସରାଗ ଫିକା ଲାଗିବ।
ସେ ମାଆଟିଏ ହୋଇଥିବ।
ସେ ମାଆଟିଏ ହୋଇଥିବ।
ସମ୍ପର୍କ
ଶ୍ରଦ୍ଧାର ସମ୍ପର୍କ
ଭାବିଷ୍ୟକୁ ତୋର ସଜାଡିବା ଲାଗି
ଯେ ଦିନ ରାତି ଖଟୁଥିବ
ସୁଖ ନିଦ ତୋର କିଣିଦେବା ପାଇଁ
ରାତି ରାତି ଚେଉଁ ଥିବ।
ସେ ବାପାଟିଏ ହୋଇଥିବ।
ସେ ବାପାଟିଏ ହୋଇଥିବ।
ସମ୍ପର୍କ
ସ୍ନେହର ସମ୍ପର୍କ
ତୋ ସୁଖ ଦୁଃଖରେ ପ୍ରତି ମୁହୂର୍ତ୍ତରେ
ତୋ ପାଖେ ପାଖେ ଥିବ
ମନେ ଚାପି ସ୍ନେହ ଶ୍ରଦ୍ଧା ଆଉ ପ୍ରେମ
କଳି ସଦା କରୁଥିବ।
ସେ ଭାଇଟିଏ ହୋଇଥିବ।
ସେ ଭାଇଟିଏ ହୋଇଥିବ।
ସମ୍ପର୍କ
ବନ୍ଧୁତା ସମ୍ପର୍କ
କାନ୍ଧ ସାଙ୍ଗେ କାନ୍ଧ ମିଶାଇ ତୋହର
ସେ ଦୁଃଖରେ ବି ସାଥେ ଥିବ
ପ୍ରତିକୂଳ ସ୍ଥିତି ଆସିଲେ ଜୀବନେ
ଏକା ତୋତେ ନ ଛାଡିବ।
ସେ ବନ୍ଧୁଟିଏ ହୋଇଥିବ।
ସେ ବନ୍ଧୁଟିଏ ହୋଇଥିବ।
ସମ୍ପର୍କ
ଶିକ୍ଷାର ସମ୍ପର୍କ
ଭବିଷ୍ୟତ ତୋର ଗଢିବା ଲାଗିରେ
ଯେ ନିଷ୍ଠୁର ହୋଉଥିବ
ଜ୍ଞାନ ଦେଇ ତୋତେ ଦୁନିଆ ଦାଣ୍ଡକୁ
ସ୍ୱାଭିମାନେ ବଢ଼ାଇବ।
ସେ ଗୁରୁଟିଏ ହୋଇଥିବ।
ସେ ଗୁରୁଟିଏ ହୋଇଥିବ।
