Library
Profile
ସମ୍ପର୍କ
ସମ୍ପର୍କ
1 min
164
ପକ୍ଷୀ ଗଲେ ଉଡି
ନୀଡ଼ ଭାଙ୍ଗିଦେଇ
ଗଛ ହୃଦ କୋହ ଭରେ
ଗଲା ପୁତ୍ର କେବେ
ବାହୁଡ଼ି ଆସେନି
ଯିଏ ଯାଏ ଥରେ ଦୂରେ.
ଆଶା ସଜଡାଇ
ସ୍ବପ୍ନ ରଚିଥାଇ
ଫେରିବାର ପଥ ଚାହିଁ
ଅତୀତର ସ୍ମୃତି
ଦଗ୍ଧଭୂତ କରେ
ହୃଦୟ କୁ ଦିଏ ଦହି.
ପତ୍ର ଝଡ଼ା ଦେଇ
ଲୁହ ସେ ଝରାଏ
ମ୍ରିୟମାଣ ଯାଏ ହୋଇ
ବସନ୍ତ ବୁଝେ ତା
ହୃଦୟ ର ଗୀତି
ପ୍ରୀତି ସ୍ପର୍ଶେ ଯାଏ ଛୁଇଁ.
ନବ କିଶଳାୟେ
ଭରିଦେଇ ଯାଏ
ଉକୁଟାଇ ମୁଖେ ହସ
ଆଖି ଲୁହ ସିନା
ଦୁନିଆ ଦେଖଇ
ଦେଖେନି ଅନ୍ତର କଷ୍ଟ.
