ସକଳ କାର୍ଯ୍ୟରେ ସର୍ବଦା

ମନସୁସ୍ଥ ପାଇଁ ଭକ୍ତିଭରେ ଆଉ ଶରଧାରେ ଡା଼କ ମାଆ,

ଜୀବନର ସୁଖ-ଶାନ୍ତି ଲୋଡ଼ାଥିଲେ ଚାଲ ବୁଲିଯିବ ଗାଆଁ ।

ଜ୍ଞାନପାଇଁ ସିନା ପ୍ରକୃତିକୁ ଗୁରୁ କରିବ ନିଷ୍ଠାର ସହ,

ମାନ ଅର୍ଜିବାକୁ କଠୋର ତପସ୍ୟା ସାଧନାରେ ଲାଗିରୁହ ।

ଆୟୁ ବୃଦ୍ଧିପାଇଁ ଖାଦ୍ୟ ପାନୀୟକୁ ନେଉଥିବ ଯତନରେ,

ସ୍ନାଯୁକୁ ସବଳ କରିବାକୁ ହେଲେ ଯୋଗକର ନିର୍ଜନରେ ।

ଜିତିବାକୁ ହେଲେ ସକଳ କ୍ଷେତ୍ରରେ ରଖିଥିବ ମନୋବଳ,

ସମୟକୁ ସଦା ସମ୍ମାନ ଜଣାଇ ବିଶ୍ଵାସକୁ କରଠୁଳ ।

ଈଶ୍ୱରଙ୍କ ଭେଟ ହୋଇବ ସହଜ ଅହଂଭାବ କଲେନାଶ,

ଅନ୍ନପୂର୍ଣ୍ଣା ଲକ୍ଷ୍ମୀ ଆସିବେ ଘରକୁ ସ୍ୱଚ୍ଛଥିଲେ ପରିବେଶ ।

ଆଦରି ଥିବ ଯେ ସତ୍ୟ ନ୍ୟାୟପଥ ଶ୍ରମକୁ ଦେଇ ମର୍ଯ୍ୟାଦା,

ତ୍ୟାଗବଳେ ତା'ର ସ୍ୱପ୍ନହୁଏ ସତ ସବୁ କାର୍ଯ୍ୟରେ ସର୍ବଦା ।