ସଖୀ ତୁମେ ମୋର
ସଖୀ ତୁମେ ମୋର
ଦୁଇ ଦିନର ଏ ନଶ୍ୱର ଶରୀର
ଚିନ୍ତା ନାହିଁ ସଖୀ ଚିନ୍ତା ନାହିଁ
ଭଲ ପାଇବାର ଆପଣା ପଣରେ
ହୃଦୟେ ମୋ ବହେ ପ୍ରୀତି ନଈ I
ପାଇବା ହାରିବା ହିସାବ କି ଲୋଡା
ମୋ ହୃଦୟ ତଳେ ଅଛ ତୁମେ
ଦୁଃଖ ଦରିଆରେ ଭାସେ ମୁଁ ଯେବେଳେ
ମୋ ଆଖିକୁ ତୁମ ଓଠ ଚୁମେ I
ଜନମେ ଜନମେ ଆସିଛ ଗୋ ସଖୀ
ଭାସିଛି ମୁଁ ତୁମ ପ୍ରେମ ସ୍ରୋତେ
ସୁଖରେ ଦୁଃଖରେ ସାଥିରେ ଚାଲିଛ
ମୋ ହାତକୁ ରଖି ତୁମ ହାତେ I
ଆଉ କିଛି ମୋର ଲୋଡାନାହିଁ ସଖୀ
ଦଅ ମୋତେ ଗୋଟେ ଜହ୍ନରାତି
ଆଖିତଳେ ତୁମ ଛବିଟିଏ ରଖି
ସପନ ଦେଖିବି ନିତି ନିତି I
ମରଣର ତଳେ ଜୀବନର ଛବି
ଆଙ୍କିବି ମୁଁ ସଖୀ ତୁମ ପାଇଁ
ବୟସ ଭାରରେ ଭାଙ୍ଗି ଯିବି ନାହିଁ
ଅଣ୍ଟା ମୋର ପଛେ ଯାଉ ନଇଁ I
ତୁମରି ସହିତ ଚାଲୁଛି ଚାଲିବି
ନିଃଶ୍ୱାସ ଚାଲିଛି ଯେତେ ଦିନ
ତୁମରି ପାଖରେ ରହିଛି ଲୋ ସଖୀ
ରହିଥିବ ସଦା ମୋର ମନ I