ମୁରିକି ହସ ମଧୁର କଣ୍ଠ

ମୁରୁକି ହସ ମଧୁର କଣ୍ଠ କିଣିନିଏ ମୋର ମନ 

ସବୁରି ବେଳେ ତୁମରି ପାଖେ ରହିଥାଏ ମୋର ଧ୍ୟାନ ।

ପ୍ରଥମେ ଦେଖି ତୁମକୁ ସଖି ଲାଖିଗଲା ମୋର ଆଖି 

ପ୍ରେମରେ ପଡି ହୃଦୟ ଦେଲି ପ୍ରେମରଙ୍ଗ ମୁହିଁ ମାଖି 

ତୁମକୁ ପାଇ ହରଷ ହୋଇ ପାଇଲି ମୁଁ ପ୍ରେମ ଜ୍ଞାନ 

ମୁରୁକି ହସ ମଧୁର କଣ୍ଠ କିଣିନିଏ ମୋର ମନ ।

ତୁମରି ରୂପ କ୍ଷଣିକ କୋପ ମନେ ମୋ ଆନନ୍ଦ ଭରେ

ଦୁଃଖକୁ ନାଶି ହୃଦୟେ ପଶି ବିଷାଦ ମୋହର ହରେ ।

ଗୋଲାପି ଓଠେ କୁଞ୍ଚିତ କେଶେ ଦିଶୁଛ ସୁନ୍ଦର ଭାରି 

ଭାବଇ ମୁହିଁ ତୁମକୁ ପାଇ ସ୍ୱର୍ଗରୁ ଆସିଛି ପରି 

ଯେଉଁଠି ଯାଅ ପ୍ରଶଂସା ପାଅ ଆନନ୍ଦ ହୁଏ ସେ ସ୍ଥାନ 

ସବୁରି ବେଳେ ତୁମରି ପାଖେ ରହିଥାଏ ମୋର ଧ୍ୟାନ ।

ଧନ ମୋ ନାହିଁ ମୋହରି ପାଇଁ ତୁମେ ମୋ ବିଶାଳ ଧନ 

ମୁରୁକି ହସ ମଧୁର କଣ୍ଠ କିଣିନିଏ ମୋର ମନ ।।