ଶେଷ ଚିଠି
ଶେଷ ଚିଠି
ମୋ ଆଖି ଲୁହ ଧାରେ ଧାରେ ଲେଖୁଛି ମୁଁ ଆଜି
ତୁମ ପାଇଁ ପ୍ରେମର ଏ ଶେଷ ଚିଠି ,
ମୋ ରାଣ ତୁମକୁ ରହିଲା ପ୍ରିୟା ଗୋ ! ପଢି ସାରି
ଫିଂଗିବନି ଯମା ଏଠି ସେଠି ।
ମୋ ପ୍ରେମର ପରାଏ ଶେଷ ସନ୍ତକଟେ ତୁମ ପାଇଁ
ଆଶାକରେ ହୃଦୟେ ରଖିବ ସାଇତି ,
ଏଠି ସେଠି ଫିଂଗି ଦେଲେ ତୁମେ କୁହ ତ ପ୍ରିୟା
ମୋର ଏ ଜୀବନ ସହିବ କେମିତି ।
ଦିନେ ଭଲ ପାଉଥିଲ ତୁମେ ବି ତ ପରା ମତେ
ତୁମେ ତୁମ ନିଜ ଜୀବନଠୁ ବେଶି ,
ଅକାରଣେ ତୁମେ ତ ମୋ ହାତ ଛାଡି ଚାଲିଗଲ
କୁହ ଏବେ କେମିତି ରହୁଛ ଖୁସି ।
ସେ ଯାହା ଘଟି ଗଲା ସେ ସବୁରେ ତ ମୁଁ ଖୁସି
କେବଲ ତୁମେ ରୁହ ଖାଲି ସୁଖ ଶାନ୍ତିରେ ,
ତୁମ ଖୁସିରେ ତ ମୋ ଖୁସି ପ୍ରିୟା ଏକଥା ତୁମଠୁ
ଆଉ କିଏ ବା ବେଶି ଭଲ ବୁଝିପାରେ ।।