ସଜନୀ ଗୋ

ସଜନୀ ଗୋ ଆଜି ତୁମ ପଣତରେ; ମୋତେ ଦିଅ ଥରେ ବାନ୍ଧି,

କୋମଳ ନିଦ୍ରାରେ ଶୋଇଯିବି ଟିକେ ତୁମ ପ୍ରେମର ଟୀକା ପିନ୍ଧି..!!୧!!

ତୁମ ହାତର ସେ ଶୀତଳ ପରଶ; ଥାପି ଦେଉ ମୋର ଲଲାଟ,

ପ୍ରେମ ନିଶାରେ ମୋତେ ମତୁଆଲା କର; ନ କରି ଛନ୍ଦ କପଟ..!!୨!!

କଳା କବରୀର ରଜନୀଗନ୍ଧାରେ; ସମ୍ମୋହିତ କିମ୍ପା କଲ,

ମୋ ମନ ମନ୍ଦିରେ ତପସ୍ଵିନୀ ସାଜି; ହୃଦୟ ଥରାଇ ଦେଲ..!!୩!!

ନୟନ ଯୁଗଳ ବାଙ୍କ ଚାହାଣୀରେ; କାମନାର ତୀର ମାରି,

ମୁରୁକି ହସରେ ମୁଖେ ହାତ ଦେଇ; ଲାଜରେ ଯାଆନି ସରି ..!!୪!!

ମୁଁ ତୁମ ପ୍ରିୟ ତୁମେ ମୋ ପ୍ରେୟସୀ; ଦୁଇ ଦେହ ଏକ ମନ,

ତୁମେ ମୋ ବିନା ମୁଁ ତୁମ ବିନା; ଏମିତି କି ହୁଏ ଚିନ୍ତନ??!!୫!!