ସିପ ସରୁ ବାଲି

ସିପ ସରୁ ବାଲି ନୁହଇଁ କେବଳ

ପ୍ରତିମା ଗଢ଼ିବା ପାଇଁ

ସିପ ବାଲି ଆଜି ଅଟ୍ଟହାସ୍ୟ କରେ

ଉଚ୍ଚ ଅଟ୍ଟାଳିକା ଛୁଇଁ ।

ସହଜରେ ନିଅ ଖୋଳି ନିଜ ବକ୍ଷେ

ଗଢ଼େ ଅଳସ ସ୍ୱପ୍ନର

ସିପ ସରୁ ବାଲି ନୁହେଁ ଖାଲି ଏକ

ସୁପ୍ତ ବାଲିର ପ୍ରାନ୍ତର ।

ପଞ୍ଚ ତାରକାର ସୁଇମିଂପୁଲ୍ ଠୁଁ

ବିଳାସ ପୂର୍ଣ୍ଣ ସମ୍ଭାର

ହାଟ ସରାଗୀର ସରାଗ ସ୍ୱପ୍ନର

ଶୋଭାର ପୂର୍ଣ୍ଣ ଭଣ୍ଡାର ।

ସିପ ସରୁ ବାଲି ନୁହଇଁ କେବଳ

ବାଲି ରଗଡା ପଥର 

ଝାଉଁ ବଣ ଠାରୁ ମନ୍ଦିର ପର୍ଯ୍ୟନ୍ତ

ସିପ ବାଲିହିଁ ସୁନ୍ଦର ।