ସିଧାକଥା-60

ଲୋତକରେ ଭରା ଆଖି ବେଳେବେଳେ ସୁଖକଥା କହିଦିଏ,

ବେଳେବେଳେ ପୁଣି ବିକଳ ହସରେ ଛାତିଫଟା ଦୁଃଖ ଥାଏ | 

 

ହାରି ଯାଉଥିବା ଦୋଷ କରୁଥିବା ପାଉଥିବା ଅପମାନ,

ଆମ ଜୀବନର ସମୃଦ୍ଧି ପଥରେ ଏହା ଅତି ସାଧାରଣ |

 

ଆମରି ପଛରେ କହୁଥିବେ ଲୋକେ ତିନୋଟି କାରଣ ପାଇଁ,

ଆମପରି ସିଏ ଉଚ୍ଚ ସୋପାନରେ ପହଞ୍ଚି ପାରିଲେ ନାହିଁ |

 

ଆମଠାରୁ କିଛି ଆଶାରଖି ପୁଣି ପାରିନାହିଁ କିଏ ନେଇ ,

ତୃତୀୟ ଲୋକଟି ଭୟାଳୁ ନିଶ୍ଚୟ ପାରେନା ମୁହଁରେ କହି | 

 

ସମସ୍ତଙ୍କଠାରୁ ଅଳପ ବହୁତ ଶିଖିବାର କିଛି ଅଛି,

ଖରାପକୁ ତେଜି ତାଙ୍କଠାରେ ଥିବା ଭଲତକ ନେବା ବାଛି |

 

ବୁଝିବା ଲୋକଠୁ ବୁଝେଇବା ଲୋକ ସଂଖ୍ୟା ବଢ଼ିବଢ଼ି ଯାଏ , 

ଜ୍ଞାନୀ ଗୁଣୀ ବୁଦ୍ଧିମାନ ଥାଉଥାଉ ମୂର୍ଖ ପ୍ରବଚନ ଦିଏ |