ସିଧା କଥା ୬୧
ସିଧା କଥା ୬୧
ଯେତେ ଅର୍ଥବଳ ଧନବଳ ଥାଉ ମୃତ୍ୟୁ ଜିତିବା ନିଶ୍ଚିତ,
ଯେତେ ଅନୁତାପ ଦୁଃଖ କରିଲେ ବି ଫେରିବ ନାହିଁ ଅତୀତ ।
ସବୁକଥା ଆଉ ସବୁକାମ କେବେ ହୋଇବ ନାହିଁ ସଫଳ,
ଭଲ ସହ ମନ୍ଦ ସଫଳ-ବିଫଳ ଦେଉଥିବେ ମହାକାଳ ।
ଶିଶୁ ମସ୍ତିଷ୍କରେ ଲୁଚି ରହିଥାଏ ବୁଦ୍ଧିମତା ଅପ୍ରମିତ,
ମନର ଭିତରେ ଲୁଚିକରି ଥାଏ କଳ୍ପନା ହୁଏ ସତ ।
ଯଦି ଆମେ ଭଦ୍ର-ନମ୍ର ହୋଇଥିବା ବିଶ୍ୱସ୍ତ ଉଦାର ଚିତ୍ତ,
ଏକଥା ନିଶ୍ଚିତ ବଢ଼ାଇବେ ନାହିଁ ଦାତା-ନେତା ତାଙ୍କ ହାତ ।
ପ୍ରଶଂସା ସମ୍ମାନ,ମାନ-ଅପମାନ କିଛି ବି ମିଳିବ ନାହିଁ,
ଖଳବଳ ଆଉ କପଟିଆ ମିଶି ଖୁସିହେବେ ତାକୁ ପାଇ ।
ନିଜ ସ୍ୱରୂପକୁ ଜାଣିଛି ଯେ କେବେ ହେବନାହିଁ ବିଚଳିତ,
ତୁଚ୍ଛା-ସମ୍ମାନର ମୂଲ୍ୟନାହିଁ କିଛି ମୁହିଁ ଯାହା ତାହା ସତ୍ୟ ।