ସହଯୋଗ

ବିଶ୍ଵାସର ବନ୍ଧୁ ଭାଗ୍ୟାକାଶେ ଇନ୍ଦୁ

ଆନନ୍ଦରେ ଯାଏ ଦିନ

ମନର ସାଥୀକୁ ଜୀବନେ ଲଭିଲେ

ପ୍ରଫୁଲ୍ଲିତ ସଦା ମନ ।

କ୍ଷୁଦ୍ର ବୃହତ୍ତର ଭାବନା ରଖେନା

କରି ଯାଏ ସହାୟତା

ପ୍ରକୃତି କୋଳରେ ସଭିଏଁ ସମାନ

ମଧୁର ସମ୍ପର୍କେ ସତ୍ତା ।

ସ୍ନେହ ପ୍ରେମ ପ୍ରୀତି ରଖିବ ସାଇତି

ସୁଖେ ଦିଅ ନାହିଁ ଢାଳି

ବିପଦ ପଡିଲେ ବନ୍ଧୁଙ୍କୁ ଚିହ୍ନବ

ତା ହସ୍ତରେ ଦେବି ତୋଳି ।

ତୃଷାର୍ତ୍ତକୁ ଜଳେ ଭିକ୍ଷୁକର ଥାଳେ

ସ୍ବଇଛାରେ କର ଦାନ

ପଣ୍ଡିତ ହସ୍ତରୁ ବିଦ୍ୟା ଅରଜନ

ପ୍ରିୟଜନେ ଦିଅ ମନ ।

ମନର କଥାକୁ କହିବ ଯାହାକୁ

ପରଖି ଦେଖିବ ଥରେ

ନଚେତ୍ ନାଗରା ଦାଣ୍ଡରେ ବାଜିବ

ଜୀବନ ଆଉ କି ସରେ‌ ।