ଶୂନ୍ୟ ସମ୍ପର୍କ
ଶୂନ୍ୟ ସମ୍ପର୍କ
ସମ୍ପର୍କର ତୀରେ ତୀରେ
ବହିଯାଏ ଦୁଇଟି ନଈ
ହାତରେ ହାତ ଛନ୍ଦି
ଗୁଣୁଗୁଣୁ ସୁରେ ଗାଇ ।
ଫଗୁଣର ଦରହାସେ
ମଳୟ ଛୁଇଁବା ପାଇଁ
ସମ୍ପର୍କର ମିଠା ଧାରେ
ପ୍ରିତୀର ପ୍ରାଚୀର ଡେଇଁ ।
କିଛି ପଥ ଗଲାପରେ
ବାଟ ହୁଡ଼େ ଦୁଇ ନଈ
ଅବୁଝା ଲୁହର ଧାରେ
ସମ୍ପର୍କ କି ଯାଏ ଧୋଇ ।
କିଏ ଜିତେ କିଏ ହାରେ
କୋହର ଆଞ୍ଜୁଳା ନେଇ
ହାତଛଡ଼ା ସମ୍ପର୍କ ହେଲା
ପଥ ହରା ଦୁଇ ନଈ ।
କଥା ଥିଲା ସାଥି ହୋଇ
ସାଗରେ ମିଶିବା ପାଇଁ
ଜୁଆରିଆ ସମ୍ପର୍କରେ
ବତାସ କି କଲା ବାଇ ।
ତୁହା ତୁହା ଝଡ଼ ଉଠେ
ହୃଦୟ କୋଣରେ ଯାଇ
ଅମାନିଆ ବାଆ ଛୁଟେ
ସାଗର ରହିଲା କାହିଁ ।
ଆଉ କି ସେ ମନ ଯୋଡ଼େ
ସପନ ଦେଖିବା ପାଇଁ
କ୍ଷୀଣ ତନୁ ସେ ଝରଣା
ବହିଯାଏ ଏକା ହୋଇ ।