ରାବଣପୋଡ଼ି
ରାବଣପୋଡ଼ି
ଝରକା ଫାଙ୍କରେ ଚାହିଁ ରହିଛି
ବିଦେହୀ ରାବଣ ଟାଏ
ମୋ ପାଇଁ ତୁମ ପାଇଁ
ଆଉ ଆମ ପାଇଁ
ଯୁଗ ପରେ ଯୁଗ
ଆତଙ୍କର ପସରା ମେଲାଇ ,
ଦୁଆର ମୁହଁରେ ଖିଲି ଖିଲି ହସେ
ସର୍ବନାଶୀ ରାବଣ ଟାଏ
ଦିନ ବାର ତିଥିରେ ଅଜ୍ଞାନ
ସମୟକୁ କ୍ରୀଡନକ ମଣି
ଜାଳି ଦିଏ ଲଙ୍କାରେ ବିଭୀଷିକା ,
ତା ପ୍ରଳାପରେ ଧୂଳିସାତ ହୁଏ
ରାମରାଜ୍ୟର ଚିତ୍ରିତ ନକ୍ସା
ତା ଅଟ୍ଟହାସ୍ୟରେ ଲୁଚିଯାଏ
କେତେ ଅକୁହା ଭାଷା
ସ୍ଵପ୍ନ ବି ଚହଲି ଯାଏ
ପ୍ରଭାତର ଆଗମନ ପୂର୍ବରୁ
କେବଳ ଭାସି ଆସେ ରାବଣପୋଡ଼ି ର
ବଳକା ଆୟୁଷର ପୋଡ଼ା ଗନ୍ଧ......।।