ନଈ
ନଈ
1 min
554
ତୁ ଗନ୍ତବ୍ୟର ଧାରାଟିଏ
ବିଧାତାର ଚିରନ୍ତନୀ ସ୍ରୋତଟିଏ
ଏକ ଲକ୍ଷ୍ୟ ହୋଇ ଧାଉଁଥିବା
ପ୍ରାରବ୍ଧର ଅଭିସାରିକା ତୁ ,
ତୁ ଛନ୍ଦମୟୀ ସଙ୍ଗୀତର ରାଗିଣୀ
ହସଲୁହର ଉଚ୍ଛୁଳା କାହାଣୀ
ଧୀର ପଦେ କୁଆଁରୀ କାମିନୀ
ଜୀବନକୁ ବୁଝୁଥିବା କବିତା ତୁ ,
ତୁ ଜୀବନ ଯନ୍ତ୍ରଣାକୁ ଛାତିରେ ଜାବୁଡ଼ି
କଳକଳ ଗୀତଟିଏ
ଭେଦଭାବ ବିହୀନ ଲଙ୍ଘି ଯାଉଥିବା
ଅନ୍ତଃର୍ନାଦଟିଏ ତୁ ,
ତୁ ଧରଣୀର ଉପଢୌକନ
ରଙ୍ଗହୀନ ପ୍ରୀତି ଉପାଦାନ
କେବେ ବନାନୀର ସହାସ୍ୟ ବଦନ
ସବୁ ବୁଝି ଅବୁଝା ସଖୀଟିଏ ତୁ ।।