ଶୁଣିଲେ ଲାଗୁଛି ଖୁସି

ଅଜା ତମେ ଭାରି ଚଗଲା ହେଲଣି ଆଈକଥାକୁ ମାନୁନା,

ଦିନରେ ଶୋଉଛ ରାତିରେ ଚେଉଁଛ ପାଠ-ଶାଠ କିଛି ପଢୁନା !

ମୋବାଇଲି ଗୋଟେ ଧରିକି ଟିପୁଛ ସେଥିରୁ ପାଉଛ କିସ ?

ସଉଦା ପରିବା କିଣିବାକୁ ଯାଇ ସାଙ୍ଗ-ସାଥି ଖୋଜି ବସ ।

ଚାଲିବାକୁ ଯାଇ ଛକରେ ଗପୁଚ ଇମିତି କାହିକି ହୁଅ ?

ପାନ ଖାଇବାକୁ ଯେତେ ମନାକଲେ ଲୁଚେଇ ଲୁଚେଇ ଖାଅ ।

ଖେଳିବାକୁ ଟିକେ ଡାକିଲେ କହୁଛ ଦଉଡି ପାରିବି ନାହିଁ,

ମିଠା ଖାଇବନି ଡାକ୍ତର କହିଛି ଯାଚିଲେ ଦେଉଛ ଖାଇ ।

କାହାକୁ ଡରୁନା ଆଈଙ୍କୁ ଡରୁଛ ତମର ତ ବଳ ବେଶି,

ନାତିଆ ଟୋକାର ଏହି ଅଭିଯୋଗ ଶୁଣିଲେ ଲାଗୁଛି ଖୁସି ।

ଜାଣିଲି ମୋ ନାତି ଚଲାକ ହେଲାଣି ଅସଲଗୁରୁ ମୋ ପାଇଁ,

ପିଲାଦିନେ ବାପା-ମାଆଙ୍କ ତାଗିଦ ମନେପଡ଼େ ତାକୁ ଚାହିଁ । 

ସିଧାକଥା