ଶୁଭେଚ୍ଛା ୧୫ତମ ରାଷ୍ଟ୍ରପତି
ଶୁଭେଚ୍ଛା ୧୫ତମ ରାଷ୍ଟ୍ରପତି
ଦେଶର ୧୫ତମ ରାଷ୍ଟ୍ରପତି ହେଲେ ଶ୍ରୀମତୀ ଦ୍ରୌପଦୀ ମୁର୍ମୁ ଓ ମୋର ଅନେକ ଅନେକ ଶୁଭେଚ୍ଛା ଏବଂ ଅଭିନନ୍ଦନ | ସେହି ଅବସରରେ ମୋର ସମର୍ପିତ କବିତା ।
ମୋ ଦେଶ ଏକ ସାର୍ବଭୌମ, ସମାଜବାଦୀ, ଧର୍ମନିରପେକ୍ଷ
ଗଣତନ୍ତ୍ର ସାଧାରଣତନ୍ତ୍ର ରାଷ୍ଟ୍ର
ଏକ ହୋଇ ନିର୍ମାଣ କରିବା ଦେଶକୁ ଆମର, ନେଇଛେ
ସମସ୍ତେ ସମ୍ବିଧାନରେ ଶପଥ ।
ପାଇବା କିପରି ସାମାଜିକ ଅର୍ଥନୈତିକ ରାଜନୈତିକ
ନ୍ୟାୟ, ସ୍ଵାଧୀନତା ଓ ସମାନତା
ରଖିବା ଆମେ ସମସ୍ତେ ସମ୍ବିଧାନ ଟେକ, ପ୍ରତିଷ୍ଠା କରି
କେତେ ଭିନ୍ନତା ଭିତରେ ଏକତା ।
ଶାସନ ମୂଖ୍ୟ ହେଉଛନ୍ତି ରାଷ୍ଟ୍ରପତି, ମୋ ଭାରତର ଏଇ
ମହାନ ସମ୍ବିଧାନରେ,
ସମସ୍ତ ଓଡିଆ ନିଶ୍ଚିତ ଗର୍ବିତ ତମ ପରି ଜଣେ ଓଡିଆକୁ
ଦେଖି ୧୫ତମ ରାଷ୍ଟ୍ରପତି ପଦରେ ।
ଭାରତୀୟଂକ ଅଭାବ, ଦୁଃଖ, ଅବହେଳାକୁ ଡୁଙ୍ଗୁରୁ
ପଲ୍ଲୀରୁ ଦିଲ୍ଲୀ ପର୍ଯ୍ୟନ୍ତ ସବୁଠାରେ
ଆପଣ ଭଲ ଭାବେ ଉପଲବ୍ଧି କରିଛନ୍ତି ଜାତ ହୋଇ
ଓଡିଶାର ରାଇରଙ୍ଗପୁରରେ ।
ଘେନ ହେ ରାଷ୍ଟ୍ରପତି ପ୍ରତ୍ୟେକ ଭାରତୀୟର ନିବେଦନ
ତୁମ ହାତେ ଟେକିଲୁ ଆମ ଦେଶ ଓ ସମ୍ବିଧାନ
ତୁମ ପ୍ରତିଟି କାର୍ଯ୍ୟରୁ ପ୍ରେରଣାର ବାଣୀ ନିସୃତ ହେଉ
ଜାତୀୟ ସ୍ୱର ଦୂର କରିବାକୁ ଦାରିଦ୍ର୍ୟ କଷଣ ।
ହେ ଶାନ୍ତି ମୈତ୍ରୀର ଦେଶ ଭାରତର ରାଷ୍ଟ୍ରପତି, ସୃଜ
ଜୀବନ ପ୍ରଗତିର ଭବିଷ୍ୟତ, ରଚି ନୂଆ ଚିନ୍ତନ
ମୁକ୍ତି ଲଭୁ ନିଷ୍ପେସିତ, ହେଉ ତ୍ୱରାନ୍ୱିତ ସ୍ୱଚ୍ଛନ୍ଦ ସ୍ୱଚ୍ଛଳ,
ରଖ ଗଣତନ୍ତ୍ର ସୁରକ୍ଷିତ, ଧନ୍ୟ ହେଉ ଓଡିଆ ଜୀବନ ।