ଶତ୍ରୁତା

ଦୁନିଆ ଭିତରେ ଘର କରିଥିଲେ

        ମିତ୍ର ଶତ୍ରୁ ସାମ୍ନା ହେବେ

ଶତ୍ରୁକୁ କେବେବି ଦୁର୍ବଳ ଭାବନି

         କାଳ ସର୍ପ ପ୍ରାୟ ଥିବେ ।

ମଧୁର ବଚନ କୁହନ୍ତି ସେମାନେ

         ନଇଁଲେ ମାରନ୍ତି ବିଧା

ଚାଲିଗଲାବେଳେ ଦାନ୍ତକୁ ଦେଖାଇ

         ଜଳୁଥାନ୍ତି ହୋଇ ଦ୍ଵିଧା ।

ଯଜ୍ଞ କୁଣ୍ଡେ ଯେହ୍ନେ ଘୃତ ସହଯୋଗେ

           ପ୍ରଜ୍ବଳିତ ହୁଏ ଶିଖା

ଶତ୍ରୁ ସେମନ୍ତେ ଅନୁସୃତ ଆକାଂକ୍ଷେ

      ବିପତ୍ତିକୁ କରେ ଅପେକ୍ଷା ।

କଳିଯୁଗ ଏବେ କଳି ମଞ୍ଜି ବୁଣି

         ସୃଷ୍ଟିକୁ କରୁଛି ବିପଦ

ଘରେ ଘରେ କଳି ଭାଇ ଭାଇ ଶତ୍ରୁ

         ବିଚିତ୍ର ମାନବ ସମ୍ପଦ ।

ଲୋଭ ମୋହ ମାୟା କରୁଛି ବିସ୍ତାର

       ଗୁରୁଜନେ ନାହିଁ ସମ୍ମାନ

ଶତ୍ରୁତାରେ ଜୀଇଁ ଜୀବନ୍ତ ଜଡ଼ରେ

       ଧିକ ତୁମର ୟେ ଜୀବନ ।

ଶାନ୍ତି ଶୃଙ୍ଖଳାରେ ସମୟ କଟିଲେ

        ମିଳିବ ଜୀବନେ ଶାନ୍ତି

ପରସ୍ପର ସ୍ନେହ ମମତା ମଧ୍ୟରେ

        ଦିନକାଟି ନେବା ନୀତି ।