ଶତାକ୍ଷୀର ସତକଥା
ଶତାକ୍ଷୀର ସତକଥା
'ସମୟ ପୁରୁଷ' ସ୍ମୃତି ଚନ୍ଦନ'ରେ
'ଜୁଆର ଯେଉଁଠି ଉଠେ'
'ଝଡ ପରେ ସୂର୍ଯ୍ଯୋଦୟ' ଦେଖିବାକୁ
ଆସ ଆଠଗଡ ପୀଠେ ।
ରାଧାନାଥ ପୁର, କଟକ ନଗର
'ସଂହତିର ସେ ସଂହିତା'
'ରୂପମ୍ ରୂପମ୍ ପ୍ରତି ରୂପମରେ
'ଶକ୍ତି ରୂପେଣ ସଂସ୍ଥିତା' ।
ଆମେ ସବୁ ଆଜି 'ନିରବ ଦର୍ଶକ'
'ବୈଦେହୀ ବିସର୍ଜିତା'
'ସ୍ମୃତିର ନୈମିଷାରଣ୍ଯ' କହୁଛି
'ଅର୍ଦ୍ଧ ନାରୀଶ୍ବର' ଗାଥା ।
ରାଧାନାଥ ରଥ,ସାବିତ୍ରୀ ଦେବୀଙ୍କ
ଥିଲ ଚତୁର୍ଥ ସନ୍ତାନ
ଅର୍ଥନୀତି ସିନା ଥିଲା ପାଠ ପଢା
ସାହିତ୍ଯ ସାଧନେ ମନ ।
'ବଣ ରାଇଜର ବଣି' ବାହୁନୁଛି
ଧରି 'ଅଧା ଲେଖା ଚିଠି'
ଆହେ ମନୋରମା ସାହିତ୍ଯ ପ୍ରତିମା
ଆଉ ଅଧେ ଲେଖ ଉଠି ।
"ଝିଟିପିଟି କହେ" ଧାର ଧାର ଲୁହେ
"ଶତାକ୍ଷୀ"ର ସତକଥା
ସଂସ୍କାରବାଦର ଦରଦୀ ମାନବୀ
ମନୋରମା ମନବ୍ଯଥା ।
ଚିର ନିଦ୍ରାଗଲ ଚିର ଋଣିକରି
ଅନନ୍ତ ଶୟନ ଦିନେ
ଚିର ନମସ୍ଯା ଚିର ବନ୍ଦନୀୟା
ପ୍ରତିଟି ଓଡିଆ ପ୍ରାଣେ ।