ଲାଇବ୍ରେରୀ
ପ୍ରୋଫାଇଲ୍
ଶୁଣି ପାରୁଛ ନା
ଶୁଣି ପାରୁଛ ନା
1 min
171
ଗୀତରେ ଗାଉଛି ତୁମକୁ
ଶୁଣି ପାରୁଛ ନା
କେମିତି ଏ ପ୍ରୀତି ତୁମର
କହି ବି ଦିଅନା
ମୋ କରୁଣ କ୍ରନ୍ଦନ ତୁମେ
ଶୁଣି ପାରୁଛ ନା।
କେବେଠୁ ଡାକୁଛି ତୁମକୁ
ଶୁଣି ପାରୁଛ ନା
ଆଜି ପ୍ରେମ ଯାଇଛି ହାରି
ବୁଝି ପାରୁଛ ନା
ମୋ ବିରହ ବିଳାପ ତୁମେ
ଶୁଣି ପାରୁଛ ନା।
କେବେଠୁ ଖୋଜୁଛି ତୁମକୁ
ଆସିବି ଯାଅନା
ଛଳନାର ନିଆଁରେ ଜଳୁଛି
ଦେଖି ପାରୁଛ ନା
ମୋ ବିକଳ ଚିତ୍କାର ତୁମେ
ଶୁଣି ପାରୁଛ ନା।
କେବେଠୁ ଲେଖୁଛି ତୁମକୁ
ଉତ୍ତର ଦିଅନା
ପ୍ରତାରଣାର ବିଷ ପିଉଛି
ଜାଣି ପାରୁଛ ନା
ମୋ ଅନ୍ତରାତ୍ମାର ଡାକରା
ଶୁଣି ପାରୁଛ ନା।
କେବେଠୁ ଝୁରୁଛି ତୁମକୁ
ଫେରିବ କି ଜାଣେନା
ମଶାଣିରେ ମୁଁ ଜଳୁଥିବି
ଆସି ଦେଖିବ ନା
ଅନ୍ତିମ ଗୀତ ମୁଁ ଗାଉଛି
ଶୁଣି ପାରୁଛ ନା।
