ଲାଇବ୍ରେରୀ
ପ୍ରୋଫାଇଲ୍
ପ୍ରିୟା ତୋ ସହରେ ପ୍ରିୟା ତୋ ସହର
ପ୍ରିୟା ତୋ ସହରେ ପ୍ରିୟା ତୋ ସହର
ପ୍ରିୟା ତୋ ସହରେ ଆଜି
ଆସିଛି ମୁଁ ପଥିକ ସାଜି
ଥରେ ମୋତେ ତୋ ସଙ୍ଗେ
ଭେଟିବାର ମଉକା ଦେଇ ଦେ।
ମୋର ନା ଅଛି ଠିକଣା
ନା ଅଛି ଘର ଦୁଆର
ତୋତେ ଦେଖା କରି ମୋତେ
ଯିବାକୁ ଅଛି ବହୁ ଦୂର
ଥରେ ମୋତେ ତୋ ସଙ୍ଗେ
ଭେଟିବାର ମଉକା ଦେଇ ଦେ।
ମୋ ମନେ ରଖିଛି ଲୁଚେଇ
ତୋ ପାଇଁ ସପନ ଅନେକ
ମୋ ଆଖିରେ ରଖିଛି ସାଇତି
ତୋ ପାଇଁ ଲୁହ ଅନେକ
ମୋ ଆଖି କୁ ବି ଥରେ
ବରଷିବାକୁ ମଉକା ଦେଇ ଦେ।
ଆଜି ରାତି ତୁ ମୋର
ପ୍ରେମର କାହାଣୀ ଶୁଣି ନେ
କମ୍ପ କମ୍ପ ଓଠ ରୁ ମୋ
ହୃଦୟ ର ବେଦନା ଶୁଣି ନେ
ଆଜି ଏଇ ବିରହୀ ପ୍ରେମୀ କୁ
କହିବାକୁ ମଉକା ଦେଇ ଦେ।
ମୋ ଶାଶ୍ବତ ପ୍ରେମର ଗଭୀରତା ମାପି ନେ,
ମୋ ସ୍ପନ୍ଦନରୁ ପ୍ରୀତି ର ଗୁଞ୍ଜନ ଶୁଣି ନେ,
ମୋ ଆହତ ହୃଦୟର କ୍ଷତକୁ ଦେଖି ନେ,
ମୋ ବିକ୍ଷିପ୍ତ ମନର ବେଦନା କୁ ଜାଣି ନେ,
ଆଜି ରାତି ଥରେ ତୁ ନିଜକୁ, ମୋ ପାଇଁ
ଭାବିବାର ମଉକା ଦେଇ ଦେ।
ଭୁଲିବାର ଥିଲା ତ ମୋ ମନେ
ପ୍ରେମ ର ଦୀପକ ଜାଳିଲୁ କାହିଁକି,
ଛଳନାମୟୀ ତୁ ମୋତେ
ଏତେ ଭଲ ପାଇଲୁ କାହିଁକି,
ଏମିତି ଦୁଇ ଚାରିଟା ପ୍ରଶ୍ନ
ପଚାରିବାକୁ ମଉକା ଦେଇ ଦେ।
ପ୍ରିୟା ତୋ ସହରେ ଆଜି
ଆସିଛି ମୁଁ ପଥିକ ସାଜି
ଥରେ ମୋତେ ତୋ ସଙ୍ଗେ
ଭେଟିବାର ମଉକା ଦେଇ ଦେ।
*୍
