ତୁମ ବିନା ସାଥୀ
ତୁମ ବିନା ସାଥୀ
ତୁମ ବିନା ଏକା ବଂଚିବିନି ବୋଲି
ଜୀବନକୁ ଦେଲି ମାରି ,
ସବୁ ଜାଣିଶୁଣି କଷ୍ଟ ଦିନ କାଇଁ
ମିଛେ କୁହ ପୁଣି ସରି । । ୧ ।
କି ଲାଭ ପାଅ ଯେ ଲୁହ ଦେଇ ନୀତି
ଭାଙ୍ଗି ଦେଇ ମୋର ମନ ,
ତୁମେ କି ଜାଣନା ତୁମ ପାଇଁ ସାଥୀ
ଅଧା ଅଛି ଏ ଜୀବନ । । ୨।
ତୁମ ବିନା ସାଥୀ ଲାଗୁଛି ଯେମିତି
ଜୀବନଟା ପୁରା ଖାଲି ,
ଏମିତି ସମୟ ଆସିବ ଜୀବନେ
କେବେ ଭାବି ମୁଁ ନଥିଲି । । ୩।
ତୁମ ବିନା ସାଥୀ ଜୀବନରେ ଆଉ
ନାହିଁ କିଛି ଅଭିଳାଷ ,
ତୁମରି କଥାକୁ ଝୁରି ଝୁରି ଦିନେ
ଚାଲିଯିବ ଏ ନିଃଶ୍ବାସ । । ୪।
ଜିଅନ୍ତା ଜୁଇରେ ଜଳୁଛି ଆଜି ମୁଁ
ଅକୁହା କାହାଣୀ ହୋଇ ,
ବଂଚିବାଟା ଖାଲି ଅଭିନୟ ମୋର
କା ' ଆଗେ ପାରୁନି କହି । । ୫।
ସୂରୁଯ ଉଇଁଲେ ଅନ୍ଧାର ରାତିରେ
ତୁମକୁ ଖୋଜେ ମୁଁ ମନେ ,
କାହିଁ ଗଲ ସାଥୀ ଅଧା ରଖି ପ୍ରୀତି
ଦୁଃଖ ଦେଇ ମୋ ଜୀବନେ । । ୬।