ଶରତ

ଋଚିର ଶରଦ କାଳ ବିରାଜିଲା ଆସି 

ନବ ବଣ୍ଣ ବିଭା ଘେନି ବିଭାଶିଲା ପୂଥ୍ବୀ !

ଦଶଦିଶ ସୁନିର୍ମଳ ବେଶ କୁ ବୋହିଲେ

ବର୍ଷାର ପ୍ରଭାବ ନାହିଁ ଜନେ ଉଲ୍ଲସିଲେ !

ଚଷାମନ ଆହା କେଡେ ଆମୋଦରେ ଭରା

କାମ ଦାମ ପାଇଁ ଭଲ ବେଳ ଧୀର ଖରା !

ଶରୀର ନୀରୋଗ ପାଇଁ ଏ ଭଲ ସମୟ

ଥଣ୍ତା,ଜ୍ଜର ,କାଶ ,ଯାଇ ଦେହ ନିରାମୟ !

ଏଇଟି ପ୍ରକୂଷ୍ଟ କାଳ ଶରଦ ସମୟ

ନାନାପର୍ବ ‐ପର୍ବାଣି ର କି ଆମୋଦମୟ !

ପାର୍ବଣ ଓ ନବରାତ୍ରୀ ଆ କି! ମନୋହର

ପୁଣି କେତେ ପୂଜା ‐ପଶା ଓଷା ସମାହାର !

ହୋଇ ଏ ଶରତ କାଳ ଜନ ମଣ ହରେ

ଶାରଦୀୟ ସଂନ୍ଧ୍ୟା ଆହା କମ୍ର ସୁଷମାରେ !

ଶୋହେ ଘେନି ତାରକା ଖଚିତ ନୀଳାକାଶେ

ତାରକିତ ଜହ୍ନ ଦିଶେ କି ମନୋଜ୍ଞ ବେଶେ !

କୋମଳ ପଲ୍ଲବେ ଶୋଭେ ତରୁ‐ବଲ୍ଲୀ ରାଜି

ସ୍ନିଗ୍ଧ‐ ସଉରଭେ ବିବିଧ କୁସୁମେ ମଣ୍ତି !

ଜଳ‐ ସ୍ଥଳ‐ବନ‐ ଆକାଶ‐ କାନନ

କେଦାର ‐ ପ୍ରାନ୍ତର ‐ପଲ୍ଲୀ‐ପୂର ମାନ !

ସବୁଠି  ଶରଦ ‐ଚାରୁତା ‐ରାଜୁତି

ଦିବ୍ୟ ବିଭା ବୋହି ବିଭାସେ ପ୍ରକୂତି !

ପ୍ରକୂତିର ନବ ‐ମୋହନ ‐ ମାଧୁରୀ 

ବିଲୋକି ଭାବୁକ ମନ ଉଠେ ପୁରି !