ଲାଇବ୍ରେରୀ
ପ୍ରୋଫାଇଲ୍
ଶରତ ଆସୁଛି
ଶରତ ଆସୁଛି
ଶରତ ଆସୁଛି ବୋଲି ହସୁଛି ଧରା ।
ନଦୀ ତୀରେ କାଶତଣ୍ଡି ନାଚୁଛି ପରା ॥୧॥
ଶରତ ଆସୁଛି ଏବେ ବରଷା ଗଲା ।
ସୁନୀଳ ଆକାଶ ରମଣୀୟ ଦିଶିଲା ॥୨॥
ଦିବ୍ୟ ଜ୍ୟୋତି ଧରିିଅଛି ଆକାଶଏବେ ।
ତରୁଲତା ନାଚୁୁଛନ୍ତି ଦେଖ ସରବେ ॥୩॥
ଫଳ ପୁଷ୍ପେ ଶୋଭିତ ସେ ଅଛନ୍ତି ହୋଇ ।
ସୁନୀଳ ଶରତ ଚିିତ୍ତ ତୋଷୁଛି ରହି ॥୪॥
ଧରା କି ହେଲା ଜାଗ୍ରତ ସୁଖ ଆସରା ।
ନଦୀ ତୀରେ କାଶତଣ୍ଡି ନାଚୁଛି ପରା ॥୫॥
ବଳାହକ ଧାଡି ଧାଡି ଉଡି ନପାରି ।
ଦୋଳାୟମାନ ହୁଅନ୍ତି ଲାଗେ ସେପରି ॥୬॥
ସବୁଜିମା ଭରା ଲାଗେ ସାରା ଜଗତ ।
ସତେ କି ଦେବୀ ମାଆଙ୍କୁ କରେ ସ୍ବାଗତ ॥୭॥
ମହାମାୟା ଆଗମନୀ ବାର୍ତ୍ତା ପ୍ରଚରେ ।
ଚାନ୍ଦିନୀ ଅମୃତ ଝରେ ରାକା ନିଶିରେ ॥୮॥
ସରଗେ ସେ ସୁଖ କେବେ ମିଳିବ ନାହିଁ ।
ଯାହା ମିଳୁଛି ମରତେ ସରଗେ ନାହିଁ ॥୯॥
କି ସୁନ୍ଦର ଧରା ଗଢିଅଛି ବିନ୍ଧାଣୀ ।
କି ରୂପେ ପାଳୁଛି ତାକୁ ଦିବା ରଜନୀ॥୧୦॥
ଦଣ୍ଡ ପରେ ଦଣ୍ଡ ଦିନ ରାତି ଆସୁଛି ।
ମାସ ଋତୁ ବର୍ଷ ପରେ ପରେ ହେଉଛି ॥୧୧॥
ଖରା ବରଷାର ପରେ ଆସେ ଶରତ ।
ଶରତ ଆଗମେ ହର୍ଷ ହୁଅଇ ଚିତ୍ତ ॥୧୨॥
ସ୍ବର୍ଗ ସୁଖ ଧରାଧାମେ ଆପେ ଆସଇ ।
ମାଆ ଆସୁଛନ୍ତି ଏ ଧରାକୁ ଓହ୍ଲାଇ ॥୧୩॥
ଆନନ୍ଦେ ନାଚୁଛି ଆସୁଅଛି ଶରତ ।
ସବୁ ବର୍ଷ ଆହ୍ଲାଦିତ କରେ ଜଗତ ॥୧୪॥
