ଲାଇବ୍ରେରୀ
ପ୍ରୋଫାଇଲ୍
ଶରତ ଆସିଛି ବୋଲି
ଶରତ ଆସିଛି ବୋଲି
1 min
221
ଚତୁର୍ଦ୍ଦିଗେ ଦିଶେ ଶ୍ୟାମଳ କେଦାର
ଶାରଦୀୟ ସମାରୋହ
ଉତ୍ସବ ମୁଖର ପଲ୍ଲୀ ଠୁ ସହର
ବର୍ଷା ଢାଳୁନାହିଁ ଲୁହ I
ପଦ୍ମ ପୋଖରୀରେ କମଳ ହସୁଛି
ଆକାଶେ ସୂରୁଜ ହସେ
ପ୍ରୀତିର ଗଜଲ କାନରେ ପଡୁଛି
ଶରତର ମଧୁମାସେ I
ସଞ୍ଜ ପ୍ରହରରେ ଠୋ ଠୋ ହୋଇ
ଜହ୍ନିଫୁଲ ଫୁଟିଯାଏ
ଗଙ୍ଗ ଶିଉଳୀର ମଧୁର ମହକ
ଦିଗ ଚହଟାଇ ଦିଏ I
ଜହ୍ନ ଆଲୁଅରେ କାଶତଣ୍ଡୀ ହସେ
ସପନ ଖେଳଇ ଦୋଳି
ପଲକ ବିହୀନ ଆଖିତଳେ ଦେଖ
ଖୁସି କରିଲେଣି ମେଳି I
