ଶ୍ରମିକ
ଶ୍ରମିକ
ସ୍ୱପ୍ନ ତାକୁ ପଚାର......?
ଯିଏ ମୁଣ୍ଡ ଝାଳ ତୁଣ୍ଡ ରେ ମାରି
ଟହ ଟହ ଖରା ରେ
ଜିଅନ୍ତା ଆଖି ଦୁଇଟା ଖୋଲି
ସ୍ୱପ୍ନ ର ବାଲି ବୁକ୍ତା ରେ
କ'ଣ ନାହଁ କଣ ଭାବିପକାଏ...!
କେତେବେଳେ ଭାଵେ
ମୋ ପୁଅ ଅଫିସର ହବ
ପୁଣି ଭାବେ ଝିଅ ର ବାହାଘର କରିବି
ଆଉ ଭଲ ଘରଟିଏ ତିଆରି କରିବି...!
ଏହି ସ୍ୱପ୍ନ ର ବିଳାପରେ
ଭାଳି ଭାଳି ନିଜ ହାତର କରାମତି ରେ
ତାଜମହଲ ଠାରୁ ଆରମ୍ଭ କରି
ଶିଖର ର ଅନ୍ତ ଫାଡି
କଣ ନାହିଁ କ'ଣ ତିଆରି କରିପକାଏ l
ସେ ହେଉଛି ମୋ ଶ୍ରମିକ ଭାଇ
ଧିପି ଧିପି ଶିଖାର ବଳିତା ହେଇ
ନିଆଁ ର ଜ୍ୱାଳା ରେ ନିଜେ ଜଳି
ସାରା ବିଶ୍ୱକୁ ଉଜ୍ଜଳ କରିଥାଏ l
ସେ ମୋ ଭାରତ "ମା" ଗର୍ଭ ରୁ
ଜନ୍ମିଥିବା ପ୍ରକୃତ ଅମୁଲ୍ୟ ସମ୍ପଦ l
ଶ୍ରମିକ ମନର କୋହ କୁ ମନରେ ଚାପି
ଧନୀ ବାବୁ ମାନଙ୍କ ପାଇଁ
ନାନା ରକମର କୋଠା ବାଡ଼ି ତିଆରି କରେ
ନିଯେ କିନ୍ତୁ ଚାଳ ଛପର ଘରେ ରହି
ନିଶା ର ଜ୍ୱାଳା ରୁ ବଞ୍ଚିବା ପାଇଁ
ତାରା, ଜହ୍ନ ସହିତ ସମ୍ପର୍କ ବାନ୍ଧିଥାଏ...!
ଏଇତ ମୋ ଶ୍ରମିକ ଭାଇର ଜୀବନ l