ସ୍ୱାର୍ଥର ପଥଯାତ୍ରୀ,ଦୋଷ ଗଣତନ୍ତ୍ର

ବଡ ବଡ ପ୍ରତିଶ୍ରୁତି ଦିଅ ପାଂଚ 

ବରଷରେ ଥରେ

ରହିବେ ନାହିଁ କେହି ଆଉ ଗରିବ

ଆମ ଦେଶରେ ।

କିଏ କହେ ମାଟି ଲାଗିବନି ଗାଁ 

ରାସ୍ତାରେ ତୁମର

ମୋତେ ଭୋଅଟ ଦେଇ ମୁଖ୍ୟ

ମନ୍ତ୍ରୀ ପ୍ରଧାନମନ୍ତ୍ରୀ କର ।

ଦେଶରେ ଯୁବକ ଯୁବତୀ ସବୁ 

କର୍ମରେ ଲାଗିବେ

କେହି ଆଉ ବେରୋଜଗାର

ବେକାର ନରହିବେ ।

ବଜାରରେ ଜିନିଷ ଦ୍ରବ୍ୟର ମୂଲ୍ୟ 

ସ୍ଥିର ତ ରହିବ

ମୋର ରାଜୁତିରେ ଦରବୃଦ୍ଧି

କେବେ  ନଘଟିବ ।

ସପନରେ ପୁରାନ୍ତି ପୁରାଣର 

ରାମରାଜ୍ୟ କଥା

ହେଲାଣି କେତେ ନିର୍ବାଚନ, 

ଗଲାଣି କି ଭୋକର ବ୍ୟଥା ।

ଅନ୍ୟାୟର ମରୁରେ ଘୁରୁଛେ, 

ସତ୍ୟ ଲାଗେ ମରୀଚିକା

ଧର୍ମକୁ ଜଗୁଛୁ, କିନ୍ତୁ ଅଧର୍ମ 

କରେ ଧର୍ମର ରଂଗ ଫିକା ।

ରାଜନୀତି ଅବା ଧରମର ନାମ ବିକି 

କରନ୍ତି କଳାଟଂକାର ବେଉସା

ଦେଶର ଧନ ଯେତେ ଲୁଟିନେଲେ 

ମଧ୍ୟ ସରେ ନାହିଁ ନିଶା ।

ଜନତା ଏଠି ଓଁ ଶୁଭ ଲାଭ, ସ୍ୱାର୍ଥରେ

ଜରାଗ୍ରସ୍ତ, ଅନ୍ଧ ହୋଇଛନ୍ତି 

ଲୋଭ ସ୍ୱାର୍ଥର ପଥଯାତ୍ରୀ ହୋଇ 

ଗଣତନ୍ତ୍ରକୁ ଦୋଷ ଦେଉଛନ୍ତି ।