ଶ୍ରୀଜଗନ୍ନାଥ

ପବିତ୍ର ଦିନରେ କିଛି ଲେଖୁଛି

ପ୍ରଥମରୁ ତୋତେ କ୍ଷମା ମାଗୁଛି ।

ତୋତେ ଲେଖିବାର ଧ୍ରୁଷ୍ଠତା କରୁଛି

ହୀନ ତୋ' ଆଗରେ ମୁଁ ଜାଣିଛି ।

ତୋହର ଆଜିରେ ଗୁଣ୍ଡିଚା ଯାତ

ଅପେକ୍ଷାରେ ତୋର କେତେ ଭକତ ।

ଆହାକି ଶୋଭାରେ ତୋ' ବଡ଼ଦାଣ୍ଡ

ଲକ୍ଷ ଲକ୍ଷ ଭକ୍ତ ହୁଅନ୍ତି ରୁଣ୍ଡ ।

ଉଦ୍ଧାରକର ହେ ଶ୍ରେଷ୍ଠ ଦେବତା

ସାରା ଧରଣୀରତୁ ରକ୍ଷାକର୍ତ୍ତା ।

ଘଣ୍ଟ ବାଇଦରେ କମ୍ପେ ଶ୍ରୀକ୍ଷେତ୍ର

ନୀଳଚକ୍ରେ ଉଡ଼େ ଫରଫର ନେତ ।

 

ସେବକଙ୍କ ଆଜି ଉତ୍ସାହ ଦେଖ

ଶକତି ପାଆନ୍ତି ଦେଖି ତୋ' ମୁଖ ।

ଭାଇଭଉଣୀଙ୍କ ସେନେହ ଦେଖି

ସାରା ସଂସାରର ଲାଖୁଛି ଆଖି ।

ପହଣ୍ଡି ତୁମର କେତେ ମନୋରମ

ପାପପୂଣ୍ୟ ସବୁ ଆଜି ତୋ' ଲାଗି ସମ ।

ଏତିକି ମାଗୁଣି କରେ ଏ ଅଧମ

ସାରା ବିଶ୍ୱ ହେଉ ପରିବାର ସମ ।

ଓଡିଶା ମୋର ଆଗେଇ ଯାଉ

ମୋ' ଓଡିଆ ଭାଷା ଶୀର୍ଷକୁ ଯାଉ ।

ମଣିଷ ପଣିଆ ରହିଥାଉ ବଞ୍ଚି

ତୁମରି ଆଶୀଷ ପ୍ରଭୁ ଦିଅହେ ବିଞ୍ଚି ।

ପୂଣ୍ୟର ଅଭାବେ ପାପ ଗ୍ରାସିଛି 

ପୂଣ୍ୟବାନ ପାଇଁ ପାପୀ ବଞ୍ଚିଛି ।

ନୀତି ଦିନ ଏଠି କଳଙ୍କ ଲାଗେ

ତଥାପି ତୋର ସେ ଦର୍ଶନ ମାଗେ ।

ଜଗତ ଗୋସାଇଁ ଅଟୁରେ ତୁହି

ତୋ' ପାଶେ ପାପୀ-ତପୀ ଭିନ୍ନତା ନାହିଁ ।

କରମ ଫଳ ଯେ' ଯାର ଭୋଗିବ

ଏ ହାତର ଫଳ ସେ ହାତ କି ନେବ ।

ଡେରିରେ ଶୁଣୁ ବୋଲି କୁହନ୍ତି ଜନ

ମନୁଆ ଠାକୁର ତୁ ବୁଝୁ ରେ ମନ ।

ଆଜିର ଦିନରେ ଦେଉଛି ଶୁଭେଚ୍ଛା

ପୂରଣ କରହେ ପ୍ରଭୁ ସଭିଙ୍କ ଇଚ୍ଛା ।